கலியுகத்தவம்

• ஸ்ரீ சத்யசாயி சிவமே கலியுகத் தவமே
• பக்த அன்பர்களினகமே அகிலத்தின் சனாதனமே
• முக்திதரும் முடிவிலா ஆதி அந்தமே
• பக்தி தரும் பவித்திரப் பெருக்கே
• ஆடிவரும் அகண்ட காவிரியின் ஆடிப்பெருக்கே

• உன்னை நாடி வரும் நல்லோர்க்கினிய
• தெய்வ நமச்சிவாயமே
• பாடி வந்துன் பாதம் பணியத் தேடி வரும்
• நல் பக்தர்களின் பரிபூரணத்திருவே
• ஓடிவந்து கருணை செய்யும் ஓம்காரத் தலத்தருவே

• உனைத்தொழும் சத்சங்கத்தின் சத்சித் ஆனந்த
• சச்சிதானந்த சாயி சிவமே சிவசக்தி சொரூபனே

• பிறை சூடிய கங்கை கொண்ட பெருமானே
• உமைபங்கனே திங்களில் செவ்வாய்ச் சிரிப்புடன்
• செந்நிற அங்கியில் அழகுநடை நடந்து
• அபயமளித்திடத் திங்களாய் வந்தெமைக் காத்தே
• அருள்புரிய வரவேண்டும் சுவாமி
• ஸ்ரீ சத்யசாயீஸ்வரா சரணம்.

– தமிழரசி பாலசுப்பிரமணியம்