சதிபதியாய் வாழ

• வளியில் ஒளியாகி நிற்கிறாய்
• ஒளியில் வெளிச்சமாய்த் தெரிகிறாய்
• களிப்பில் உற்சாகமளிக்கிறாய்
• வளமாய் வாழ்வியல் வாழ்ந்திட உத்வேகமளிக்கிறாய்

• சதிபதியாய் வாழச் சங்கல்பம் அருள்கிறாய்
• கதி நீயெனச் சரணடைந்தோர்க்கு நற்கதி நல்குகிறாய்
• பதி நீ பசுக்களுக்குப் பாந்தமாய் பந்தமாகிறாய்
• விதிவசம்கூட உன்னருட்கருணையாலுன் வயமாக்குகிறாய்

• நதியாய் ஓடி வந்தருள்கிறாய்
• கடலாய் விரிந்து வியாபித்து மகிழ்வித்து மகிழ்கிறாய்
• படகாய் சம்சார சாகரத்தில் வந்து மீட்கிறாய்
• குடகு, கயிலை, பொதிகையாய், இயற்கையில்,
• பிரக்கிருதியாய் உறைகிறாய்

• இன்பமயம் இல்ல உள்ளமெல்லாம் சாயிமயம் வயம் லயமே.

– தமிழரசி பாலசுப்பிரமணியம்