ஞான ஞாயிறாய்
- நீலக்கடலின் வண்ணமாய் நீதானிருக்கிறாய் – அம்
- மாலக் கடவுளின் எண்ணமாய்த் தானொளிர்கிறாய்
- வேலக்கந்தனும், வேழமுகனும், சிவ, ராம, கிருஷ்ணன்,
- எனப் பன்மதப் பக்தரின் சன்மத, சனாதனத் தெய்வமாகினாய்
- அவரவர் இதயதெய்வமாய்த் தெரிகிறாய்
- அற்புத மகிமைகள் அனைவர்க்கும் புரிகிறாய்
- உன் பொற்பதம் மலரடியைத் தஞ்சமா யளிக்கிறாய்
- அறிவிற்கடங்கா, ஆச்சரியமாய் அருட்கருணை தருகிறாய்
- மாமாங்க, மா தவத்தில் அவதரித்தருள வந்த மாதவா
- கலியுக அவதாரக் கற்பகமே ஞாயிறில் ஞான மருள
- ஞாலத்தின் சனாதன சாரதியாய்ச் சங்கமிக்க சங்கநாதமாய்
- வரவேண்டும், உனக்காத்மானந்த வந்தனம் சுவாமி போற்றி.
– தமிழரசி பாலசுப்பிரமணியம்