தெரிந்து தேர்ந்தெடுத்த தாய்

• ஈஸ்வரனின் தாயே ஈஸ்வரம்மா இன்றுன் நினைவில்
• ஈசனின் நினைவும் சங்கமிக்கின்றதம்மா
• மூன்று உருண்டைகள் முக்கண்ணனுக்காக அளித்தாயே !!
• முப்புர சம்ஹாரகாரனின் தாயாய் உன்னை
• நினைத்துப் பேச வைத்தாயே !

• பால சாயின் அவதாரத்தில் பல வகை
• லீலைகள் பார்த்திருப்பாய்
• சீரடி சாயின் தெய்வீகப் படச்சுருளுன் மகளுக்குக்
• கிட்டியதும் (வெங்கம்மா)

• கற்பக விருட்சத்தில் ஆப்பிள் ஆரஞ்சு, மா திராட்சை,
• பறித்துக் கொடுத்ததையும்
• சித்திராவதி ஆற்று மணல்பரப்பிலும்,
• குன்றின் மேலும், பலவிதக் காட்சிகள்,
• அற்புதங்கள் நீ கண்டிருப்பாய்
• முக்கண்ணையும், இருளில் பேரொளி
• தெரிந்ததையும் அறிந்திருப்பாய்

• புரோகிதருக்கு நரசிம்ம அவதாரத்தையும்
• சுகாதார அதிகாரிக்கு நெற்றியில் சோதியையும்,
• பக்தர்க்கு தசாவதாரங்களையும், மலர் ஊஞ்சல்,
• பிருந்தாவனக் கண்ணனையும்,
• வேய்ங்குழல் கீதம், நாதத்தையும், சுவாமி அளித்த
• பல லீலைகளைக் கண்டும் கேட்டும் பார்த்தும்
• ரசித்தும் இருப்பாய் அம்மா

• சுவாமியின் அருட்கருணைப் பேரானந்தத்தில்
• கலந்து சங்கமித்த நதிகள் பல பார்த்திருப்பாய்
• சுப்பம்மா அம்மாவுடன் நீ சீரடி சமாதிக் காட்சி பார்த்து விட்டாய்
• சச்சிதானந்தரருக்களித்த அறிவுரையில்
• சாத்வீகத்தை உணர்ந்திருப்பாய்
• பிணி தீர்க்கும் வைத்திய நாதனாக உன்
• தனயனைப் பார்த்திருப்பாய்

• மைசூர் அரச வம்ச அன்பு பக்தியையும், அறுவை சிகிச்சை
• அத்தியந்த பக்தனுக்குச் செய்ததையும் பார்த்து இருப்பாய்
• கடலிலே ஆதிசேஷன் சயனக் காட்சி,
• கடல் நீரிலே தேவாமிர்தம் தந்தது
• பால சாயின்லீலா வினோதங்கள் – என
• எத்தனையோ பார்த்திருப்பாய்

• கல்வி, கட்டிட, மருத்துவ, நாராயண சேவை, குடிநீர்,
• பக்தர்களுக்கு அன்பான ஆறுதல்,
• அன்புச் சிபாரிசுகள் இப்படி உன்
• சேவைகள் எத்தனையோ எப்படியோ நீண்டதம்மா
• மலரும் நினைவுகளாய்ச் சில லீலைகளை
• அசை போட்டதுதான் அம்மா இவை>

• அறிவில் அடங்கா அற்புதங்கள் பல உள்ளதம்மா பின்னே
• தாயாய் அனைவர்க்கும் தயையாய் சுவாமியே
• தேர்ந்தெடுத்த தெரிந்தெடுத்த தாயே
• இப்பிறவிக்குத் தேர்ந்தெடுத்ததாய் நீதான்
• என்றுரைத்த பகவானுடன் இந்த நினைவுகளை
• ஸ்வாமியுடன் நினைந்து உன்னை போற்றுகிறோம்
• அம்மா நினைந்து உன்னப் போற்றுகிறோம் அம்மா

• ஸ்வாமியின் சரிதச் சரித்திர நாயகித்தாயே!
• தவமே அனைவரையும் அன்புடன் காத்து
• என்றும் துணை இருப்பாய் தாயே
• என்றும் துணை இருப்பாய் தாயே
• உனைப்பாட இக்கருணை அளித்த நம்
• பகவானுக்கு நன்றி தாயே.

– தமிழரசி பாலசுப்பிரமணியம்