குருவாய்

• குருவே தெய்வமாய்க் குவலயத்தில வதரித்த
• குமுதமே சாயீஸ்வரா
• குலம் தழைக்க அருள் புரிய வந்த நித்திய தெய்வத்தின்
• தெய்வமே சத்தியசாயீசா
• பன்மதப்பக்தர் கூடும் பர்த்தியம்பதியில் பார்சிறக்க
• வந்துதித்த சாயீஸ்வரா
• அவனிதனில் அன்பு மனம், மதம், ஆழ்கடலாய்ப்
• பரவச் செய்திட்ட அருளமுதமே பர்த்தீஸ்வரா

• உன் பதம் நாடி யுன்னருள் வேண்டியுனைத்
• தேடி யோடிப்பாடி வரும் உன் அத்தியந்த
• ஆத்மார்த்த பக்தரகள் அகமலர, மகிழ,
• அன்புதனையூன்றி அரவணைத்தே
• விதைக்கின்றாயதில் சனாதன
• தர்மமதை மட்டுமே பசுமையாய் விளைவித்து
• வினைவிலக்கி அதிலுன் கருணை மழையைப்
• பொழிவித்தே காக்கின்றாய் சாயீசா, பரமேஸ்வரா

• உன் பங்கயத் தாமரை மலரடிகள் தொழுதிடவும்
• உன் சங்கல்பம்தான் வேண்டிட, வேண்டும்
• உன் சாத்வீகமதில் மலர்ந்து மனம் வீசவேண்டும்
• போற்றியுன்னடிகளுக்கு ஆத்மவந்தனம் சுவாமி.

– தமிழரசி பாலசுப்பிரமணியம்