தூய உள்ளம் வேண்டும்

• இதயமில்லா உயிர்களில்லை
• இன்ப, துன்ப, உணர்ச்சிகளில்லா இதயமில்லை
• அதைப் பார்க்கக் கண்கள் வேண்டும்
• கேட்கக் காதுகள் வேண்டும்
• உணரத்தூய உள்ளம்வேண்டும் என்றாய்

• அன்புக்கருணை தந்தாட்கொள்ளும் அரவிந்த கேசவா
• மாதவா உன்பாதாரவிந்தம் தொழத் தருவாயே
• எங்களாதாரச் சொந்தம், பந்தம், நீதானென்றுணர
• வைத்திடும் அக்கேதாரனும் நீயன்றோ
• அது தான் மெய்யுமன்றோ

• மூலாதாரன், ஆலாலகண்டன், வேலாயுதன்,
• சாயி மணிகண்டன், தத்தாத்ரேயர்
• அனைத்துமுன் வடிவம் அதில் நீ படிவமும் அன்றோ

• அலை, கலை, மலை மகள்களும்
• ஆதிசக்தி, அனந்தகோடிபிரம்மாண்டநாயகியும்
• பர்த்திவாசினி, சிவசக்திஸ்வரூபிணியுமுந்தன்
• அருட்சக்திக் கொடையன்றோ.

• அணுவில், அண்டத்தில், பரப்பிரும்மமாய் வியாபித்ததுந்தன்
• அன்பர்களைக்காத்தருளத்தானே, தானே இறங்கி
• இரங்கி, வருகிறாய் நற்பவி நல்கவே.

– தமிழரசி பாலசுப்பிரமணியம்