கருணை செய்கிறாய்

• வாச மலர்களில் வாசனையாய் நீயிருக்கிறாய்
• பாச மனங்ளில் அன்பாய் ஆட்சி செய்கிறாய்
• நேச நெஞ்சங்ளில் பிரேமையாய்க் கொலுவிருக்கிறாய்
• பூசை உள்ளங்களில் கருவறையில்
• கொலுவிருந்து குடிகொண்டிருக்கிறாய்

• தேசங்களில் தெய்வமாயுலவி அருள்பாலிக்கிறாய்
• காசினியில் கடவுளவதாரமாய்க் கருணை செய்கிறாய்
• மேதினியில் பர்த்தித்தலம் நோக்கி வரவழைக்கிறாய்
• உலகமெங்கும் வியாபித்து விரவிப் பரவியிருக்கிறாய்

• தரணியில் தயாபரணாய்த் தயை செய்வித்து வருகிறாய்
• ஞாலத்தில் ஞாயிறாய் வலம் வருகிறாய்
• நான்மறையில் வேதமாய் ஒலித்துக் கொண்டிருக்கிறாய்
• தேன்தமிழாய் நாவினில் நர்த்தனமிடுகிறாய்

• சுந்தரத்தெலுங்கினில் சுந்தரமாயுரைத்து மகிழ்விக்கிறாய்
• மந்திரவார்த்தை “சாயிராம் சாய்ராமென’ விளிக்கச் செய்கிறாய்
• கற்பகத்தருவிலுன் பொற்பதம் பதித்திருக்கிறாய்
• உன் சொற்பதங்களில் பற்பல அதிசயங்கள் செய்திருக்கிறாய்
• உன் நற்பதமலர் தொழுவோர்க்கு நற்பவி நல்கி வருகிறாய்

– தமிழரசி பாலசுப்பிரமணியம்