கேட்டதெல்லாம்
- கேட்காமல் கேட்டதெல்லாம் உடன் தருவாய், பின்
- நீ நினைத்தது மட்டுமாய்ப் பலன் தருவாயுன் கருணையால்
- உன்னைச் சரணடைந்த பக்தரின் சத்தியமான
- உண்மையிது தானே சுவாமி ?
- உன் முழுச் சரணாகதி கடலினாழத்தைப்போல்
- அளப்பரியதே
- அவ்வுள்ளத்தில் கொலுவிருக்கு முனக்குத்
- தெரியுமவ் வுள்ளமும் அறியும் உண்மையிதுவே
- நாள் செல்லச் செல்ல உன்னைத் துதிப்பவர்
- நெஞ்சறியு மெல்லாத் தெய்வங்களும்
- ஒன்றேயது நன்றே அத்தெய்வம் நீயென்றே!
- அந்நன்றான தெய்வம் அவதார காலத்தில்
- நம் பிறவி பெற்றுள்ளதை நினைந்துருகும்
- பன்மதப் பக்தரின் உண்மையான பிரார்த்தனையையும்
- பக்தியையும் நியாயமான கோரிக்கைகளையும்
- நித்திய மாய் நிறைவேற்றி வைக்கும்
- ஸ்ரீ சத்யசாயி தெய்வம் இதுவே என நம்பி
- விளங்கித்தான் வாழ்கின்றோம்
- பஜன், பூமாலைகள், புத்தகங்கள், பார்த்தல்,
- கேட்டல், பேசல், எதிலுமே சுலபப் பிரசன்னமாய்
- நீ வந்தருள் பாலிக்கும் நிதர்சனமும்
- நடைமுறையும் சாத்தியம்தானே சுவாமி
- சத்தியதேவன் வந்தவதரித்தாய் பர்த்தித் தலமதிலே
- பாரில் எத்தனை உயிர்கள் புத்துயிர் பெற்றன வென்று
- கணக்கிட எல்லையும் இல்லையே
- நித்திய வேதமிங்கு நிலைத்ததிப் புவிமீதினிலே, அது
- ஸ்ரீ சத்ய சாயி எனும் கீதமாய் ஒலிக்குது பக்தரிதய வானிலே !
– தமிழரசி பாலசுப்பிரமணியம்