உன் பதம் தானே

• சிவமேயெங்களகமே சனாதன சாரதியே
• சனாதனப் பெருந்தவப்பயனே
• செகமே உன்னிலதிலுரையும் உயிர்களினுயர்வே ஆதியே,
• பிறைசூடிய திருவே கங்கைகொண்ட அருளே அன்பே
• அமரபனீஸ்வர ஆனந்தச் சோதியே !

• அருவுருவே உனைத் தொழுதே வணங்கிடத்தான்
• வாழ்வியலின் வசந்தம் துலங்குமே
• வானமும் பூமியுமான வுன்அன்பினுக்கேது எல்லை
• அகிலத்தை யருள்வெள்ளத்தில் நனைக்குமே
• வுன்னருட் கருணை மழையே

• ஸ்ரீ சாயீஸ்வர சிவமேயென் சீவனில் நீ யிருந்துன்
• வழிநடந்திட நீயே நடத்திட, அருள்தர வரவேண்டும்
• மதம்கொண்ட மனத்தினையடக்கு
• முன்பதம்தானே நிதம் நிசமாம்

• நித்ய சாஸ்வத நிர்மல சத்தியமாமது
• உன் சர்வ பரப்பிரும்மமாம் சத்தியமேஅத் தர்மமாம்
• உன் மலரடி தொழுதிட உன்பதம் நீ தந்திட
• ஆத்மாவும் சுகம்பெறுமாம், அதுவே உன் சரணாகதமாம்.

– தமிழரசி பாலசுப்பிரமணியம்