நீயில்லாத இடம்

• நீ இல்லாத இடமென்று வேறேதுமில்லை நீ யல்லாத
• உயிரேதும் வேறாவதில்லை
• உன்கருணையன்றி வேறேதும் நிலையானதில்லை
• இதயச்சிம்மாசனத்தில் நீ தானமர்ந்துள்ளாய்
• உதயத்தில் ஓம் காரமாய் நீயே ஒலிக்கின்றாய்

• சுப்ரபாதமும் சுந்தரகாண்டமும் சுகமானதன்றோ ?
• பக்தர் கூப்பிட்ட குரலுக்கு ஓடிவரும் நீ கஜேந்திர
• மோட்சச் சுகப் பரப்பிரும்மமன்றோ ?
• எனைப்பாராமுகமுனக்கு நன்றோ? வென்றெண்ணுபவர்க்கும்
• நீ, நான் பாராமுகமென் றொன்றுண்டா வெனப்
• பார்த்துப் பார்த்துக் கருணை செய்வாய் நன்றே !

• விதி நேராவண்ணம், மதிமாறாவண்ணம், திண்ணமாய்
• வினையகற்றி நல்லன மட்டும்தான் நல்குவாய்
• நற்பேறளித்தே வரமருள்வாய்
• அருவுருவாய் வந்து நல்லாசியளிப்பாயுன் திருப்பத
• மலரடி தொழவே இடமளிப்பாய்
• என்பும் உருகும் உன் கருணையில் திளைத்திட வரமளிப்பாய்
• அன்பே உருவான சத்தியத் தெய்வமுன் சரணத்தில்
• சங்கமமளிப்பாய்

• ஒன்றே தெய்வமாய் பரப்பிரும்மமாய்ப்
• பாரில் வலம் வந்து, குலம் காப்பாய்
• ஸ்ரீ சத்ய சாயி நாத தெய்வமே
• உனக்கு ஆனந்த வந்தனம் சுவாமி.

– தமிழரசி பாலசுப்பிரமணியம்