சாயி காயத்திரி தேவியே

• சாயி காயத்திரி தேவியே, கருணை பொழிந்திடக்
• காசினியில் வந்துதித்தாய்
• அவனியில் அனைவர்க்கும் அருளைப் பொழிந்திட
• அன்பே உருவாயவதரித்தாய்
• புவனம் முழுதும் புதுவசந்தம் பெறப் புதுவிடியலாயுன் அன்பு
• அருளாசிதனைப் பகிர்ந்தளித்தாய்

• சத்தியம், தர்மம், சாந்தி, பிரேமை, அகிம்சையை இப்
• பார்முழுதும் பரிசளித்தாய்
• அவதியுற்றோர்க்கு அடைக்கலம் தந்தி டுவாய்
• திருநிறை தாயே, உன் திருவடி பணிந்தோம்
• மந்திரப் பொருளாக, மாதவப் பயனாக, மாதவன் சோதரியாய்
• இத்தரணியிலே பிரவேசித்துப் பக்திப் பிரவாகம்
• பரவச் செய்தாய், பரவசம் தந்தாய்

• வந்தனை செய்தவர்க்கு வரம் தந்தே வாழ்வளித்தாய்
• தீவினை வேதனை போக்கி வெந்துயர் தீர்த்து
• மேதினி உள்ளளவுமே காத்து நிற்பாய், கவசமாவாய்
• கண்கண்ட தெய்வமாய்க் காட்சி தந்து எண்ணும்
• போதெல்லாம் எதிரில் வந்து ஏற்றமே அளித்திடுவாய்
• கண்ணின் மணியாய் எங்களைக் காத்து இம்மண்ணுலகில்
• உயிர்கள் மகிழவே பேரருள் புரிகின்றாய்
• ஸ்ரீ சத்யசாயீஸ்வரி, பர்த்தீஸ்வரி, சிவசக்தி சாயிமா போற்றியே.

– தமிழரசி பாலசுப்பிரமணியம்