பக்த நதிகள்

• கார்த்திகை தீபச்சுடர் ஒளியில் அருணைமலை யிலழகாயுனது
• ஸ்ரீ சத்யசாயி சிவமென்ற அருட்கருணை தெரியும்

• ஸ்ரீராமன் வடிவத்தில் உன்னைத் தொழும்
• அடியவர்க்குச் சரயுவின் அயோத்தியாய் பிரேமையும்
• அழகழகாய்த் தெரியும்

• ஸ்ரீ சாயி கிருஷ்ண ரூபத்தில் உன்னைப் பணியும் பக்தர்க்கு
• யமுனா நதி தீர வேணுகானம் உன்குழலிசையில் ஒலிக்கும்

• கங்கைக் கரைதனில் சாயி சிவமே காசி விஸ்வேஸ்வரனாயுன்
• வியாபகம் புரியும், விந்தையாய் அருளும்

• சித்திராவதி தீரத்தில் உன் அற்புதங்களும் மகிமைகளும்
• லீலாவினோதங்களுமுன் அவதாரமகிமைகளை உணரும்

• ஸ்ரீ சாயி முருகனாய்ச் சரவணப்பொய்கையில்
• உன் சாந்நித்தியம் மலரும், வளரும்

• இவ்வுலகில் உள்ள புண்ணிய நதிகள் சங்கமக்கடலிலும்
• உன் பவித்திரக் கருணையே குளிர வைக்கும்
• இப்போது மெப்போதுமுன் சங்கமத் திருவடிகளில்
• சரணாகதியடைய அருள்வாயுன் பக்த நதிகளுக்கே

• விதி வலியதாயினும் கதி நீயே சரணாகதியாய்
• மதியுணர்ந்து மனச்சொல் நீக்கி வாழ்வியல் வாழ்ந்திடப்
• பதியுன் சங்கமத் திருவடிகளில் சமர்ப்பித்துச் சேவைகள்
• பற்பல செய்துன் மலர்த் திருவடிகளுக்கு
• அர்ப்பணம் செய்விக்க அருள்வாய் ஈசா.

– தமிழரசி பாலசுப்பிரமணியம்