கருணை வரமளிக்க

• பூங்கமலமுன் வதனம் பொழிந்திடுமுன் அன்பைக்
• கருணை நயனப் பார்வையில்
• கற்பனைக்கெட்டா வுன்னருள் அற்புத மகிமைகளைக்
• காணக் கண்கோடி வேண்டும்
• செவிகுளிரக் கேட்டிட நற்பவியுமே உன்
• சங்கல்பமாய் வேண்டும்

• நாவின் இனிமையா யுன்நாமஸ்மரணை பஜன்பண்கள்
• பாடி மனங்குளிர வேண்டும்

• கண் மூடி ஜப தபதியானங்களி லுன்னெழில்
• தரிசனங் காணவேண்டும்
• உனை நினைந்தாலே நெக்குருகிக் கண்களில்
• நீர் சோர வேண்டும்

• ஆனந்தக் கண்ணீராலுன் செங்கமல மலர்ப்பாதம்
• தொழுதிடல் வேண்டும்
• முப்போதும் எப்போதுமுன் நினைவு நீங்காமலுனை
• யெண்ணித் துதித்தல் போதும்
• அகமதில் இச்செகமதில் வாழும் வரையிலுன்
• அன்புக் கருணை வரம் தயை வேண்டும்

• கண்ணிமைகளாய்க் காக்கின்றாய், கரம் சேர்க்கின்றாய்
• கடவுளுனையே உணர வைத்தாய்
• உள்ளுணர்விலூடுறுவியுன் சத்தியப் பாதைதனில்
• நடக்க வைத்தாய்,
• நீ இருக்கக் குறையேதுமில்லைதான் சுவாமி.

– தமிழரசி பாலசுப்பிரமணியம்