புகலிடம்

• சாயி ராம நாமம் தன்னை நாள் முழுக்கப் பாடுவோம்
• தாயுமாகி வந்து தந்த கருணை தன்னை
• எண்ணி மகிழுவோம்
• தாயுமான சிவமாயுன்தாள் பணிந்துதான் வணங்குவோம்
• தந்தையும்தான் நீயென்றே எங்கள் சிரம்
• தாழ்த்தியுனைத் தொழுதிடுவோம்

• உன் சரணம் அஷ்டசக்திகளின் புகலிடம்
• உன்னவதாரப் பர்த்தியே மொத்த உலகின் புகழிடம்
• உன் அன்பின் மொழியே சனாதனக் கலைநயமுன் மயம்

• அனைத்து உலகிலும் இஷ்டமாயுனைத் துதிப்போர்தம்
• கஷ்டமே நடந்தும், கடந்தும், போகுமே
• இகபரசுகமதில்தான் இன்பம் வந்து சூழுமே
• ஆகமங்களின் வேள்வியாய் ஆயகலைகளின் ஆட்சியாய்

• உனது சிருஷ்டியா யருந்தமிழின் இனிய நல்மொழி
• யாமழகாய் இவ்வுலகை ஆட்டுவிக்கும்
• நாயகனே பரப்பிரும்மமே பஞ்சாட்சரமே உன் பங்கய
• மலரடி பணிந்திடவே வணங்கிடத்தான் வருகவே.

– தமிழரசி பாலசுப்பிரமணியம்