கற்பகமே

• கற்பகமே உன் பொற்பதம் தன்னில் பணிந்திட
• இப்பிறவிப் பயனெய்தட்டும்
• அற்புதமே உன் ஆச்சரிய அதிசய மகிமைகளில்
• அழகாய்ப் படரட்டும்
• சொற்பதங்களுன் அருளுரை பொருளுரையிலே
• வாழ்வியல் வளம் நலமே சேரட்டும்

• சிற்சபேசனுன் சீர்மிகு சித்திகளில் மனம்
• சிருங்காரமாய்ச் சிறக்கட்டும்
• நற்பவியாய் நானிலமும் எண்திக்கும் துலங்கட்டும்
• ஸ்ரீ சிவசக்தி ஸ்வரூபனே பர்த்தீஸ்வர சாயீசா, சர்வேசா
• சகலருக்கும் சாமானியருக்கும் உன் அருள்தான்
• கிட்டுமே அதிசயமாய் சாஸ்வதமாய்

• உன் பக்த நதிகள் உனது சங்கமக் கருணாகரக் கடல்
• தேடி ஓடி நாடி வந்து பாடிக் கலக்கும்தான் ஆனந்தமாய்
• பற்பல துன்ப துயரங்களை நீக்க, ஏன் இந்த வாழ்வென்று
• ஏங்கி உனை வேண்டித் துதிப்போர்க்கு நீ இரங்கி,
• இறங்கியே, வந்து ஆட்கொள்ளும்
• அருட்கொடைக்கு அளவுகோலேது சுவாமி

• நீ இருக்க உன் துணையிருக்கக் குறையேதும் இல்லை
• ஸ்ரீ சத்யசாயி மகேசா சர்வேசா
• உனக்கு அலங்கார ஆத்மப் புனித வந்தனம் சுவாமி.

– தமிழரசி பாலசுப்பிரமணியம்