குரு பூர்ணிமா
- புத்தருக்கு ஞானம் கிடைத்திட்டது கயையில் – உன்
- பக்தர்க்கு ஞானம் நிலைத்திட்டதுன் தயையில்
- எத்திக்கும் எவ்வுயிரு முழன்றிருக்கும் மாயை தனில் – அது
- சிதற விடும் நல்லுயிர்க்குள் வாழுமுன் லீலைகளில்
- நல்லெண்ணம், நற்சிந்தனை, நற் சாட்சியாய்,
- வாழ வேண்டும்
- நற்செய்கை, நல் நம்பிக்கை, நல் வாய்ப்பில், திகழ வேண்டும்
- நல் வாழ்க்கையில், நன் முயற்சியாய், நலம் பட
- ஒளிர வேண்டும்
- நற் காட்சியில், சாட்சியாய் நீ இருந்து அதில் நற்கதி
- நல்க வேண்டும்
- இதுவும் எண் குணங்களாமுன் குணங்களே ஸ்வாமி
- பார்த்தன் நீ கார்மேக அருள்மழை பொழிய வேண்டும்
- நற்செய்திகள் உன்னால் உலகினில் விதைக்கப்பட வேண்டும்
- சிற்சபேசன் உன் பத மலரில் முகம் புதைக்கப்பட வேண்டும்
- நற்கதி யில் நல வாழ்வு வாழும் இதயங்களில் நீ என்றும்
- துதிக்கப்பட வேண்டும்
- என்றும் உன் பொற்பத மலரடி நீ தர வேண்டும் சுவாமி
- வியாசர் முதல் வேள்வி செய்த பாரதம் குரு பரம்பரை
- வியத்தகு விந்தை புரியுதுன் பிரசாந்தியின் பக்தர் உரை
- ஞாலம் முழுதும் ஞானமாய்ப் பரவும்தான் உன் மறை
- ஞான தெய்வமே நீ ஸ்ரீ சத்யசாயி எனும் பிறை
- கலாச்சாரக் கலைநயம், பண்பாட்டு விழாக்கள், பிரசாந்தியில்
- ஏராளம் தான் – உன்
- உற்சாக உலா விழாக்காலமதுவும் தாராளம்தான்
- நிலாச்சாரலுன் சனாதனச் சாரமாயதில் நீ ஆதாரம்தான்
- குரு பூர்ணிமையும் சத்யசாயி குருதெய்வமேதான்
- உன் அவதார அனுக்கிரகப் பாதாரவிந்தம் தான்.
– தமிழரசி பாலசுப்பிரமணியம்