‘நான்’ களையச் சொல்வாய்

• சுவாமி நின் சரணங்கள் இருளை அகற்றிப்
• பிரகாசத்தை அளிக்கிறது
• நின் திருவடித் தாமரைகள் சரணாகதி நல்கி
• மனச்சாந்தி தருகிறது
• நின் பாத கமலம் பணிந்தவர்க்குப்
• பாவ விமோசனம் சித்திக்கிறது

• நின் பாதாரவிந்தம் ஆதாரச்சொந்தமாய் பாந்தமாய்
• என்றும் துணை நின்று காக்கிறது
• கூப்பிட்ட குரலுக்குக் கஜேந்திர மோட்சமாய்
• வந்து அபயக்கரம் தருகின்றாய்
• ‘நான் இருக்கப் பயமேன்’ என்று
• அபயஹஸ்தம் அளிகின்றாய்

• “நான்” களைய நல்அருள்மொழி பகர்கின்றாய்
• நானாவிதப் பரிமளப் புஷ்பங்கள் மணம் வீசுவது போல்
• பன்மதப் பக்தருக்கும் நற்பவி நற்கதியருள்கின்றாய்
• சிவம் பிரம்மா விஷ்ணுவும் ராம கிருஷ்ணதத் தாத்ரேயரும்
• அலை, கலை, மலை, மகள்களும் மூலமும் முடிவும்
• நீயாய் அவரவர் தெய்வமாய்க்காட்சி தந்துகடாட்சித்துப்
• பிறவிக் கடலைக் கடக்கக் கடைத்தேற்றுகின்றாய் சுவாமி

• தேவர்களணி வகுத்துத்தொழுதிடும் சாயிதேவனுன்
• வியாபகம் வையம் முழுதும் பரவட்டும்
• பயிர்கள் செழித்து வளரட்டும்
• அனைத்துயிர்களும் நிலைத்த அன்பில் மலரட்டும்
• ஆன்மீகச் சனாதன தர்மம் தழைக்கட்டும்

• கல்வி கேள்வி பண்பாடு புனித கலாச்சாரத்தில்
• பாரதம் சிறக்கட்டும்
• உன் அன்பு மதம் அதிசயம் புரியட்டும்
• உன் அற்புதவினோத லீலைகள் தொடரட்டும்
• நின்சரணங்கள் நாமஸ்மரணைகள் சாஸ்வத
• சாந்நித்ய மளிக்கும் தருணங்களாகட்டும்
• உனது தரிசனம் ஸ்பரிசனம் சம்பாஷணத்தில்
• நெக்குருகித் தொழுகின்றோம் சரணம் போற்றியே.

– தமிழரசி பாலசுப்பிரமணியம்