புத்தம் புதுப் புதினம்

• அவரவர்க்குப் பிடித்த புத்தம் புதுப் புதினம்
• படிக்க ஆனந்தம் கிட்டும்
• எல்லோருக்கும் பிடித்த உன் மந்தகாச வதனமதைத்
• தரிசிக்க ஆத்மார்த்தம் உயிரில் எட்டும்
• உண்டவருக்கு உன் நாராயண சேவைப்
• பிரசாதம் அமுதத்தை ஒக்கும்
• வானவர்களுக்கும் பசியாற்றி
• ஆகர்ஷணத்தையே அளிக்கும்

• தேவர், ரிஷிபுங்கவர், முனிவர்களுக்கு
• வாத்சல்யத்தையும் நல்கும்
• அன்னமும் நீ, அன்னபூரணியும் நீ
• அஷ்டலக்ஷ்மியும் நீ யன்றோ
• ஆதிகடவூர் அபிராமி அன்னையும், ஆயிரமாயிரம்
• அன்னையினன்பும், உன்கருணையன்றோ
• பண்பாடித்துதித்திடவும் உன்னன்பு
• அருளுக்கு எல்லையில்லை

• விண்முட்டும் வரையிலுமுன் லீலா வினோதங்களுக்கு
• எண்ணிக்கையில்லை
• உன்சேவையாற்றிட்ட பக்தர்களுக்கு வாழ்வியலில்
• ஏதும் பஞ்சமில்லை
• கல்லில் தேரைக்கும் கருவறைக் குழவிக்கும்
• உன்னருள் தவிர வேறு தஞ்சமில்லை

• உனையேற்றிட்ட அன்பர் நெஞ்சில் வஞ்சமில்லை
• துஞ்சலிலும் துயரிலும்கூடத் துணையிருக்கும் தெய்வம்
• நீதானென்றுனை நம்பித்தொழுவோர்க்குத்
• தும்பிக்கையோனாயும் வந்தே வினைகளைவாய்
• பிரசாந்தி சாயிகணேசனாய்

• வியாழனிலும் வியாழனாய் வந்து நற்பவியாய்
• விடியல் தர வேண்டும் ஸ்ரீ சத்ய சாயிநாதா சரணாகதி.

– தமிழரசி பாலசுப்பிரமணியம்