ஸ்ரீ சாரதாம்பிகையாய்

• நாவுக்கரசியுன் நல்வீணை மீட்ட மேதினியில் கல்வி சிறக்கும்
• வாக்வாதினியுன் ஏட்டுச்சுவடியில் கவித்துவம் வியாபிக்கும்
• கூத்தனூரில் கொலுவிருப்பவளே சரஸ்வதித்தாயே
• கல்வி கேள்விகளில் புலமைதந்து நம் பாரத நாட்டிற்குப்
• பெருமை சேர்த்திட நல்வரமருள வேண்டும்

• குமரகுருபரருக் கருளியவளே சகலகலாவல்லியே
• சரஸ்வதி அந்தாதியின் அன்னம் வாகினி கலைவாணியே
• வித்யாவாசினி மேதாவிலாசினி கலையரசிகவிதாயினியே
• சிருங்கேரி பீட சாரதாம்பிகையே
• வெண்பட்டு உடுத்தி வெண்தாமரையில்
• வீற்றிருந் தருள்பவளே

• அஷ்ட சரஸ்வதிகளாக வந்து அகரத்திலிருந்
• தருள்பாலிக்க வேண்டும்
• சப்தமாதாக்களாய் வந்தே சப்த ஸ்வரங்களில்
• ஒலிக்க வேண்டும்
• நவசரஸ்வதிகளாய் வந்து நலம் நல்கியுந்தன்
• கருணை அன்பு தரவேண்டும்.

– தமிழரசி பாலசுப்பிரமணியம்