தமிழ்ப் புத்தாண்டில்

• இன்ப துன்பம் எவ்விதத்தில் எவ்வழி வந்தாலென்ன சுவாமி
• இறைவன் உன் துணையிருக்கையிலே
• உன் மலர்ப்பதமிருக் கையிலே
• விகிதாச்சாரங்கள் வர, தர,
• வைப்பதுன் செயலன்றோ!

• சுவாமி நாங்கள் உங்கள் மேல் அன்பு
• கொண்டிருக்கிறோமென
• எங்களிதயத்திலுணர முடிகிறது.
• நீங்கள் எங்கள் மேலன்புகொண்டிருப்பதைத்
• தெரிந்துகொள்வதெவ்வாறு? என்று வினவிய
• பக்தருக்குக் கருணையுடன் உன்னுடைய
• இதயத்திலென்மேல் தோன்றுமன்பே நான்
• உன் மேல்கொண்டுள்ள அன்பின் அடையாளமாகும்

• ‘நானன்பு கொள்ளாத எவருமே என் மேலன்பு
• கொள்ள இயலா தெனக்கூறிய’
• விளக்கந்தான் வாழ்வில் மறக்குமா சுவாமி
• இன்பதுன்ப விகிதத்தை நீ சிவசக்தி சொரூபமாய்
• வந்தே காத்தருள்வாயே

• அல்லன வரினதனைத் தாங்கிடத்தான் உரிய சக்தி
• தந்துன்னளப்பரிய பெருங்கருணை மழையயைப்
• பொழிவாய் சுவாமி சாயீஸ்வரா
• வரும் தமிழ்ப்புத்தாண்டு புதுப்பொலிவை
• அருட்பொழிவைத் தரவேண்டும்

• உயிர்கள் உவப்புற வேண்டும்
• பயிர்கள் செழித்து ஓங்கி வளர வேண்டும்
• உலகில் சமாதானம் பெருகி அமைதி அன்பு
• சனாதனம் சாந்நித்தியம் சத்தியம் தர்மம் பிரசாந்தி
• பிரேமை அகிம்சை மனிதம் வளரவேண்டும்.

– தமிழரசி பாலசுப்பிரமணியம்