தேன் பாகும் திகட்டிவிடும்

• தித்திக்கும் தேன் பாகுந்திகட்டிவிடு மதிகமாயின்
• எத்திக்கும் தானாய்ப் பாயும் புகட்டிவிடு மமுதமாயுமுனை
• நிந்தித்த மனங்கூடச் சிந்தித்துன்னில் மாற்றங்கொள்ளும்
• அது துள்ளித்திரிந்துன் அன்புக் கடலில் சங்கமமாகும்
• அள்ளித்தருமுன்னருட் கருணைதனில் அங்கம் வகிக்கும்
• பள்ளித்தலமனைத்தும் கோவில்செய்தே காவலாயிருக்கிறாய்
• பற்பல சேவைப் பணிகளைச் செய்திடச் சங்கல்பமளிக்கிறாய்

• கீதைப்பாதைதனில் நடந்திடவே
• நற்பாதை வகுத்துத் தருகிறாய்
• சொற்சுவையும் பொருட்சுவையுமுன்
• அன்பு அருட்சுவையில் சேர்த்தளித்து
• அறவாழ்வில் வாழ்வியல் வாழ வைக்கிறாய்

• சத்யம், தர்மம், சாந்தி, பிரேமையில் மனிதம் மலரச் சந்தர்ப்பம்
• தந்து சனாதனத்திலுரு வேற்றுகிறாய்
• ஆத்ம நிவேதனமாய் ஆன்மீகப்பாதை
• வழிநடத்தி ஆன்மாவை அரங்கேற்றுகிறாய்
• நாராயண சேவைகளைச் சாயிநாராயணனுன்
• வேதபாராயணமென்பதை உணரச் செய்கிறாய்

• மாதா பிதா குரு தெய்வச் சகாவாய் பற்பல அற்புத லீலைகள்
• புரிந்துன் பக்தர்களுக் கருள்பாலித்து வருகிறாய்
• பர்த்தியை நோக்கியுன்னருட் பயணமாய்ப்
• பயணிக்க வைக்கிறாயவர்களில் நீயும்கலந்தாட்
• கொள்கிறாயதி லாட்சியும் செய்கிறாய்
• அதியற்புதக்காட்சியும் தந்து மாட்சியளிக்கிறாய்

• நற்பவி நல்கி இருவினைகளகற்றி மீட்சியை
• தருகிறாயதில் சாட்சியாய்த் தெரிகிறாய்
• ‘நானிருக்கப்பயமேன்’ என்றுன் மலரடி தொழவும்
• அபயஹஸ்தமளிக்கிறாயன்புக் கருணையால்
• சத்தியசாயி நாதனுன் சங்கமக் கடலில் பன்மதப்
• பக்த நதிகள் சங்கமிக்கச் செய்கிறாய்
• அது சாயிமா உனது தாயன்புதானே, தயை செய்யும் தானே.

– தமிழரசி பாலசுப்பிரமணியம்