ஒவ்வொரு நிமிடமும்

• சுவாமியுன் சங்கல்பம் ஒவ்வொரு நிமிடமும்
• நிறைந்து வருகிறது, அதை உணர முடிகிறது
• என்றும் உரைக்கவும் முடிகிறது
• கவிதைகளில் வடிக்கவும் வைக்கிறாய் ஒவ்வொருவருள்ளும்
• நீ உறைந்து நிறைந்து நிற்பது நிறைவாய்
• ஆத்மாவில் ஊடுருவுகிறது

• கேட்காமலே நினைத்ததை நடத்தித் தருகிறாய்
• கேட்டும் வேண்டாதவை கிடத்தி, கடத்தி வைக்கிறாய்
• ஒவ்வொரு மூச்சிலும் நீ இருக்கிறாய்
• பேச்சிலும் நீதான் உரைக்கிறாய், மூச்சிலும் நீயே உறைகிறாய்
• கல்லுக்குள்ளும் தேரையைக் காக்கிறாய்

• கருவிலும் திருஉந்தன் கருணையைத்தான் தருகிறாய்
• மேகங்களில் உன் அன்பு மழை தனையுலகுக்கு வர்ஷிக்கிறாய்
• மலர்களில் வாசமாய், வீணையில் நாதமாய்
• இசையில் ஸ்வரமாய் வாழும் பரப்பிரம்மமே
• உன் பாதாரவிந்தங்களில் சரணாகதி சுவாமி
• ஸ்ரீ சத்ய சாயீசா சரணம்.

– தமிழரசி பாலசுப்பிரமணியம்