நித்ய வரம் வேண்டும்

• தினம் உனைப் பாடும் வரம் வேண்டும்
• நான் தேடும் பரம் நீ உடன்வரவேண்டும்
• மனம் உன்னைத் துதித்து மகிழ வேண்டும்
• இதயம் உன் கீதைப் பாதை வழி தொழ வேண்டும்

• நீங்காமல் உன் நாமம் நெஞ்சமதி லொலிக்க வேண்டும்
• அது நிலையாக நின்றங்கு நிலைத்து நீடிக்க வேண்டும்
• மங்காத உன் கருணைதான் கிடைக்க வேண்டும்
• அது வற்றா ஜீவநதியாய்ப் பெருகி பக்தர் மனதில்
• அன்பென்று அடைக்கலமாய்ச் சேரவேண்டும்

• அலைபாயும் வாழ்வியலில் உன் அருளென்னும்
• நங்கூரம்தான் வேண்டும்
• நிலைமாறிப் பழவினை, இரு வினையாய் வந்தாலும்
• மலைபோல் துன்பம் துயர், ஊழ்வினையால்
• வரினும், அவை பனிபோல் நீங்கி உன்
• பதமதில் பணியவே உன் சங்கல்ப
• சாந்நித்யம் சாஸ்வதமாய்வேண்டும்

• ஆதி அந்தமும் நீயே மாதா பிதா குரு
• தெய்வம் சகாவும் நீயே,
• நான் இருக்கப்பயமே னெனும் உன் மந்திரச்சொல்லே
• மங்காது எங்களைக் காத்திடும் தான்
• ஸ்ரீ சத்ய சாயீசா பர்த்தீசா, வருவாயே.

– தமிழரசி பாலசுப்பிரமணியம்