அருள் நல்கும் அன்னையாய்

• ஐம்பத்தொரு சக்தி பீடத்திலும் ஐயமின்றி ஆட்சி செய்கிறாய்,
• மாட்சிதருகிறாய்
• அருள்நல்கும் அன்னையாய் மீட்சியருள்கிறாய்
• முன்னையாய், முதல்வியாய், அனைத்துயிர்களிளும்
• ஒன்றி நிற்கிறாய்

• அன்பில் அரண் அமைத்துக் காத்து வருகிறாய்
• துன்பத்தில் துணை வந்து இன்பமளிக்கிறாய்
• பழவினைகள் நீக்கிடப் பல்லுருவில் அருவுருவாய்
• வந்து அமைதியளிக்கிறாய்

• அறம், பொருள், இன்பம், வீடு தந்து
• இறுதிவரை நற்பவி நல்குகிறாய்
• மஞ்சள் குங்குமத்தில் மங்காது
• மங்கலமளித்து மகிழ வைக்கிறாய்
• மங்கையர்க்கு விருந்தாயருள் பாலிக்கிறாய்

• சத்தியம், தர்மம், சாந்தி, பிரேமை, அகிம்சையில்
• அறம் அள்ளித் தருகிறாய்
• மாதா, பிதா, குரு, தெய்வச் சகாவாய்ச்
• சகாயமளிக்கிறாய்
• பூமாலைகள் மலர்களிலசைந்து
• உன் னிசைவை உணர்த்துகிறாய்

• பிரசாந்தியும் நீயும் ஒன்றே எங்கள்
• மனச்சாந்தி முழுதும் நீயே
• ஸ்ரீ சத்யசாயி மாதா வுன் பொற்றாமரை
• பாதங்களில் சரணாகதி சரணம் போற்றியே.

– தமிழரசி பாலசுப்பிரமணியம்