நீயில்லாத இடமில்லை

• பரப்பிரம்மம் இறங்கி வந்து இப்பாரினில் அவதரித்த நாள்
• பரமே சிவமா யிவ்வகிலத்தில் வந்துதித்தநாள்
• பரம்பொருளே சாயிராமனாக அருள் தர வந்த நாள்
• பரஞ்சோதியாய் சிவசக்தி சொரூபனாய்க்
• கருணை மழை பொழிந்திட வந்த
• திருவாதிரைத்திரு அவதாரத்திரு வருள் நாள்

• அதர்மத்தை அழித்து தர்மத்தைக் காத்திட வந்தாயே
• நல்லா கமங்களை அகத்தினில் பதிந்திடத் தந்தாயே
• சத்தியம் தர்மம் சாந்தி பிரேமை அகிம்சையை
• வழிநடத்தித் தந்தாயே
• மாதா பிதா குரு தெய்வம் சகாவாய்
• வாழ்ந்து வணங்கிடச் செய்தாயே

• இசை இன்பம் இயற்கையாவும்
• பஞ்ச பூதங்க ளனைத்துமுன் வியாபகமே
• ஆதியந்தமும் ஆண்டவனும் நீயே, ஆயகலைகளும் நீயே
• நான் இருக்கப் பயமேன்எனும் உன் மந்திரச்சொல்லே
• நீயிருக்க ஏதுகுறையென்றெண்ணியே
• மனம் மகிழ்வு கொள்ளுமே

• நீயில்லாத இடமில்லை நீ செய்வித்த
• புனிதச் சேவைகளுக்கும் எல்லையே இல்லை
• ஆன்மீகம் கல்வி மருத்துவம் இசை குடிநீர் சனாதனம்
• என அனைத்திலும் ஆக்கம் ஊக்கம் தந்திட்டாய்
• தார்மீகம் தயை தர்மம் பிரேமை அன்பு
• கருணை சேவைகளில் வடிவமைத்தாய்

• புது விடியலில் இருந்து துயிலும் வரை எதிலும்
• எப்போதும் உன் தாக்கமன்றி
• எங்கள் வாழ்வியலேது சுவாமி ?
• உன் அவதார காலத்தில் நாங்கள்
• வாழ்வது முந்தன் சங்கல்பமே

• மதுரா பிருந்தாவனக் கோப கோபியராய் அயோத்யா
• வாசிகளாய் யுகமாய்த் தொடர்ந்துன்னருட்
• கருணை மழையில் நனைகின்றோம்
• உன் மலரடி தொழுதிப் பிறவிப் பயனடைகிறோம்

• ஆயிரமாயிரம் அன்னையர் அன்பா
• முனதன்பில் திளைக்கிறோம்
• சனாதன சாரதி ஸ்ரீ சத்யசாயி தெய்வமே
• உன்பங்கய மலர்த்திருவடிகளுக்குச் சரணாகதியாய்
• எங்களின் அத்தியந்த ஆத்மார்த்த வந்தனங்களை
• ஏற்றுக் கொள்வாய் சுவாமி சரணம் போற்றியே.

– தமிழரசி பாலசுப்பிரமணியம்