நீதானே அம்மையப்பன்

• சாயி மாதா பிதா தெய்வமே உன் மகிழ்வே உனது
• பக்தர்களின் மனக்குறைகளைக் களைவதுதானே
• நல்லதாயினும் நடத்தித் தருகிறா யல்லதாகி னிலதைக்
• கடத்திக் களைந்து விடுகிறாய்

• சுயநலமுனக்கிலைதானே சுவாமி
• எங்களுக்குத்தான் சமநிலை பாவிக்கத் தெரியாமல்
• சில பல சமயம் போகின்றது சுவாமி
• மனித மனம் மனிதமுடன் வாழ வழி
• வகுத்தருள்வாய் சுவாமி

• நீ தானே மாதா பிதா குரு சகா தெய்வமாயும் எங்களுக்கு
• ஆத்ம தரிசனமளிக்க எங்கள் மேல் அன்பு
• கருணை மழை பொழிகிறாய் சுவாமி
• உன் மலர்ப் பாதம் தொழும்பேறு போதும்
• உன் நயன தீட்சை இதம் கிட்டினால் போதும்

• உன் ஸ்பரிசன தீட்சை நிதம் பெற்றால் பெரும் பேறு
• உன் நாமஸ்மரணை நாவினில் நித்தம் ஒலித்தால்
• பாயும் ஆனந்த வெள்ளம்

• பஜன்களின் ஆனந்தம்தானே, தானே அணுக்களில் பரவும்
• உன் சேவைகளில் பெறும் நித்ய சத்ய இன்பம்
• ஆத்மாவில் ஊடுறுவும், சந்ததிகளைக் காக்கும்
• உன் தேர்வல, ஊர்வலப் பயணத்தில்
• வாழ்வியல் பயணமே சிறக்கும்
• உன் அளப்பரிய கருணையில்தான்
• எங்கள் சந்ததிகள் பிறக்கும்.

– தமிழரசி பாலசுப்பிரமணியம்