நீதானெங்களின் தில்லை

• உந்தன் பதமலரே எந்தன் துணை
• அப் பாதாரவிந்தமே என் உயிரில் இணை
• அதைத் துதித்திட்டால்தான் போகுமே முன்னை வினை
• சாயி உன் அன்பு அருட் கருணையே உயரத்தில் பனை

• நீ கொலுவீற்றிருக்கும் உன் பக்தர்களின் அகமே உன் மனை
• வருவினை போக்கியுன் னருட்கருணைப்
• பார்வையில்தானெங்களை வைத்திடுவாய்
• நீ தரும் உன் கருணைக்கு ஏது எல்லை ?

• அது கலை நயமாகும் மாமல்லை, இமயமலை
• உன் பிரசாந்திதானே சாயீசா எங்களின் தில்லை
• நீ இருக்க உன் துணையிருக்க வருமோ ஏதும் தொல்லை ?
• உன் அபயஹஸ்தமே வாழ்வியலில் மணம் வீசும் முல்லை

• உன் வடிவம்தனை யெங்களின் நெஞ்சத்திலே பதித்து
• உன் அன்பு அருளுறை, அறி, அறவுரைகளை
• அகத்தினில் நினைத்துன் அற்புத லீலைகளை
• அழகழகாய் ரசித்துன் அன்பு மதம் இன மொழிதனில்
• அடைக் கலம் புகுந்துன் பன்மதப்பக்தர் களின்
• அணிவகுப்பு அடுக்கடுக்காய்த் தொடர்ந்துன்
• சரணாகதிக்கு வருமழகை அணுஅணுவாய்
• ரசித்து மகிழ்ந்து தொழுகிறேன்

• ‘அன்பிலே நாளைத் துவக்கு’
• ‘அன்பே கடவுளென்று’ரைக்கும் அகிலமனைத்திலும்
• அனைத்துயிரிலும் சத்தியம் தர்மம் சாந்தி
• பிரேமை அகிம்சையை வழிப்படுத்திய
• அன்புத்தெய்வமே

• ஸ்ரீ சத்யசாயி தெய்வமுனக்கு ஆனந்த
• ஆத்ம வந்தனம் சுவாமி.

– தமிழரசி பாலசுப்பிரமணியம்