பஞ்ச சபைகள் தரிசனம்

• பஞ்ச சபைகள் தரிசனம் கண்ட ஆனந்தமுன்
• கரிசனத்திலிருக்குமுனது பக்தர்கள் மனதினிலே
• பஞ்சாட்சர மந்திரமுன் சாய்ராம் மந்திரமாய்ப்
• பக்த அன்பர்களின் நாவினிலே ஒலிக்கும்

• பஞ்சபூதங்களுமுந்தன் பவித்திரவடிவம்
• தானென்றுன தடியவர் மனமெப்போதும் நினைக்கும்
• பஞ்சமுக நாதனுந்தன் பரப்பிரம்மத்தை யிப்பாரே
• பணிந்தே துதிக்கும்

• பஞ்சநதிப் பிரவாகமாயுன் னருட்கொடை பாய்ந்தே
• உன் பக்தர்களை வாழ்வாங்கு வாழ வைக்கும்
• பஞ்சம் பசிப் பிணி நீக்கிப் பாரினனைத் துயிர்களிலும்
• மனிதம் ஓங்கி நிலைத்த நீடித்த இன்பம் பெற
• உன் திருக்கருணை அருள வேண்டும்
• பஞ்சநதிகளிலும் உன் பரப்பிரம்ம சாந்நித்தியம்
• சங்கமித்துப் பாய்ந்தருளவேண்டும்

• எத்தனையோ சொல், வாக்குறுதி, தவிர்த்துப் பொய்யாய
• நடிப்பவரையும், ஏமாற்றுக்காரர்கள், துரோகிகளையும்
• பொய்யரையும், இனம் கண்டுகொள்ளும்
• வாய்ப்பளித்துக் காத்தருள வேண்டும்
• அவர்களே மனம் திருந்தி நற்பவி யளித்திட நற்கதியும்
• நல்கிடவே வேண்டும்

• சாயி வாக்கு சத்திய வாக்கு
• கொடுத்த வாக்கைக் காப்பாற்றி உன்சேவைகளாற்றிடத்
• தகுந்த பக்த அன்பர்களுக்கும் வாய்ப்புகள்
• அளித்து அவர்களும் பற்பல சேவைகளாற்றிடச்
• செய்திட உன்சங்கல்ப வரம் வேண்டும்
• ஸ்ரீ சத்திய சாயி சிவமே சாயீசா சரணம் சாயீசா.

– தமிழரசி பாலசுப்பிரமணியம்