நீயே சுவாசமாய்

• பூக்கள் மலரும் நந்தவனச் சோலையில்
• நீ மணமாயிருக்கிறாய்
• பாக்கள் உதிக்கும் கற்பனையில் நீ சொற்களா யினிக்கிறாய்
• தேனீக்களின் உணவாய் நீ மகரந்தங்களில் சிறக்கிறாய்
• தானாய்த் தானே வந்து, தயை செய்வித் தருள்கிறாய்

• மானாய் மீனாய் மலையாய் மடுவாய் வானாய்
• நிலமாய் வளிஒளியாய யனைத்திலும்
• பரப்பிரும்மமாய் ஒன்றி நிற்கிறாய்
• பக்தர்களின் எண்ணத்தில் கஜேந்திர
• மோட்சமாய்க் காட்சிதருகிறாய்

• கஜமுகனே சாயி நிஜ முகனே கலியவதாரக் கண்கண்ட
• தெய்வத்தின் தெய்வமே களிறு. வண்டு, புறா,
• பிடி, அரவம், அணில், மந்தியென
• அனைத்துயிரிலும் அணுவாய் ஆட்சி செய்கிறாய்

• மறுபடி பிறவா வரந்தந்து காத்தருள வருவாய் கடைத்தேற்றி
• விடுவாய் கரம் பற்றி உடன் வருவாயே
• வாழ்வியலில் வசந்தமாய் நிதி நீயாய் கதியுன் பதமாய்
• மதியுன் வசமாய் மனமுந்தன் நேசமாய்
• சாயி நாமமே சுவாசமாயிருந்து நற்பவியளித் தருள்க.

– தமிழரசி பாலசுப்பிரமணியம்