ஆறுபடை வீடுகளில்

• பழனிமலையில் உன்னருள் வழங்குமழகில்
• உன் அன்புக் கருணை தெரியும்
• கழனிகள்தோறும் விளைந்திடும் நெற்கதிர்களிலுன்
• அமுத வியாபகம் புரியும்
• திருச்செந்தூரின் அலைகளில் உன் அன்பும்
• கருணையும் ஆர்ப்பரிக்கும்
• செவ்வானமும் செவ்விள நீருமுன்னருட்
• னருட்சுவைதனைப் புரியவைக்கும்

• சுவாமிமலையில் உன் பிரணவ மந்திரம்
• விண்ணிலும் ஒலித்து நிற்கும்
• திருத்தணியில் வள்ளி தெய்வ யானையுடனுன்
• மணக்கோலம் சிறக்கும்

• பழமுதிர்ச்சோலையி லுன் னருள்சுனை நீரிலும்
• சுவைக்க இனிக்கும்
• திருப்பரங்குன்றத்தில் உன் தீபம் மலை மீதிலும்
• சுடராய் ஒளிரும்
• வேலிருக்க வினையில்லை மயில் இருக்கப் பயம் இல்லை

• சாயிகந்தன் நீ இருக்கக் கவலையேதுமில்லை
• குமரன் எங்கள் அமரன் கந்தன் எங்கள் சொந்தன்
• வடிவேலன் எங்கள் குலவேலன் என்றுன்
• பக்தர்மனங்க ளுன்னைத்தான் வாழ்த்தும்
• ஸ்ரீ சத்திய சாயி சுப்பிரமணிய தெய்வமே சுபிட்சம்
• அளித்திட வருவாய் அருள் தருவாயே சாயி முருகா.

– தமிழரசி பாலசுப்பிரமணியம்