புது விடியல்

• சேவல் கூவிப் புது விடியலைப் புதுப்பிக்கச் செய்தது
• காகம் கரைந்து பொழுது புலர்தலைப் புரிய வைத்தது
• குயில் கூடித் துயிலெழுப்பி ஓம்காரம் ஒலிக்கச் செய்தது
• பற்பல பறவை இனமும் (பன்மத பக்தர்களும்)
• கூடித் துயிலெழுப்பி சுப்ரபாதம் ஒலிக்கச் செய்தது

• சின்னஞ்சிறு சிட்டுக்குருவிகள் கீச்சுக்குரலில்
• அஷ்டோத்திர நாமாவளி இசைத்தது
• எண்ணமெல்லாம் குல்வந்த் அரங்கில்
• பஜனை கேட்க பாட வைத்தது
• வண்ணமய நம் சுவாமியைக் கண்டு மனம்
• ஆனந்தம் கொண்டது, அதிசயம் கண்டது

• மனமும், வயிறும், நிறைந்து கொண்டு
• உணவகச் சேவையில் நிறைந்தது
• நம் சுவாமி பிறந்த இடம் முதல், ஈஸ்வரம்மா நினைவிடம்,
• கோகுலம், சைதன்ய ஜோதி, கல்வித்தலங்கள்,
• மருத்துவமனை என ஓடி நாடித் தேடிப்பாடிப் பார்த்து,
• மகிழ்ந்தது மனது நன்றிகள் கூறி நவில்ந்தது

• சுவாமி படங்கள், புத்தகங்கள் பல்பொருட்கள் வாங்கி
• அளவிலா ஆனந்தமடைந்தது
• மாலை நேர பஜனை பாட, கேட்க, மனதும்
• பறந்து வந்தது, விரிந்து மலர்ந்தது
• தபோவனத் தருவின் தியானத்தில்
• மனம் அமைதி அடைந்தது

• சுவாமியின் கண்காட்சி அரங்கில் பரவசமடைந்தது
• சித்திராவதி நதி தீரம் கண்டு மனம் சித்திரத்தைத்
• தூரிகையில் வரைந்தது, கற்பகவிருட்சம்
• கண்டு மனம் சுவாமியின் பொற்பதம்
• நினைத்து மன மது நெகிழ்ந்தது

• மிட்டாய்கள், பலகாரங்கள், கனிகள், சுவாமி சிறார்களுக்குக்
• கொடுத்து மகிழ்ந்தது நினைவிலசை போட்டது
• கோகுலத்தில் பசுக்கள் பார்த்து மனம் சாயி கோபாலனிடம்
• மதுரா பிருந்தாவனம் யமுனை சென்றடைந்தது
• ஸ்ரீராமர் சீதா லட்சுமணன் காட்சி பார்த்து
• அயோத்தி மிதிலை நோக்கி வணங்கியது

• குடை கணேசனைப் பார்த்து சுவாமியின்
• கொடைக் கருணையை எண்ணி,
• மனம் நன்றி சொல்லி நிறைந்தது
• சாயி சுப்ரம்ணியனைக் கண்டு சுப்ரமணியம்
• சுப்ரமணியம் பாடல் தானாகச் செவியில் ரீங்காரமிட்டது
• சாயி காயத்திரிதேவியின் ஆலயத்தில் சாயி காயத்திரி
• 1008, 108 நாமம் கூறி ஒலித்தது
• சாயி மகாலட்சுமி ஓங்காரேஸ்வரரை மனமுருகித் தொழுதது
• பற்பல சேவைகளில் கண்டு மனம் ஆனந்தித்துச் சிலிர்த்தது
• பர்த்தியாத்திரையில் பார்த்துப் பார்த்து மகிழ்ந்து, நெகிழ்ந்தது.

– தமிழரசி பாலசுப்பிரமணியம்