ஆழித்தேரழகு

• சுந்தர பாதம் சுகம்தரும் பாதம்
• இடர் நீக்கிச் சுடர்தரும் சுகந்த பாதம்
• எதிர்வரும் துன்பம் தீர்த்து புதிராகப்
• புனர்வாழ்வளித்திடும் புனிதப் பாதம்

• நினைத்தாலே தானாய்த் தானே தேடிவரும் பாதம்
• மனதில் நினைத்தால் உடன் வந்து தேனாய்
• நலம்தரும் தாயுமானப்பாதம்
• சினம் தவிர்த்து குணத்தால் அன்புடன்
• வாழச் சொல்லும் அழகுப் பாதம்
• பிரேம மயமாய் மக்கள் சேவையாற்றிடச் சொல்லும்
• சாயீசன் பாதம்

• ஓரடி எடுத்து வைக்க எண்ணிலடங்கா அடிகள்
• எடுத்தோடி வரும் ஓம்காரப் பாதம்
• நாடிவந்து நற்பவிமட்டு மளித்திடும் நற்கதிப் பாதம்
• தேடி வரும் அடியார்க்குத் தேவை அறிந்து
• தயை செய்யும் தார்மீகப் பாதம்

• ஆடிவரும் ஆழித்தேரழகு போல் பஜன் பாடுகையில்
• நடந்துவரும் நம் சுவாமியின் பங்கயப் பாதம்
• கூடி வரும் கூட்டத்தைத் தெய்வீகக் குரலால்
• கானம் பாடி மயக்கும் சுவாமியின் சுகந்தப்பாதம்

• பாடி வரும் பக்தர்களின் கூட்டத்தைக் கண்டுகளித்து
• மகிழும் சுவாமியின் சுகிர்த சுகுணப்பாதம்
• காணக் கண் கோடிவேண்டும் வேண்டும்
• ஸ்ரீ சத்ய சாயிநாதனுக்குச் சுபமங்களம்.

– தமிழரசி பாலசுப்பிரமணியம்