இகபர சுகம்

• செகம் புகழும் புண்ணியத்தலம் சாயிராமனின் பர்த்தியே
• அங்கு அகிலமெல்லாம் அகம் மகிழும்
• சாயிநாதனின் அன்பின் ஆட்சியே
• யுகந்தோறும் தொடர், தொடர்ந்திடும், பந்தம் பாந்தமே
• என்றும் இகபரசுகம் தந்தெமையது வாழ வைக்குமே

• பரப்பிரும்மம் பார்த்தசாரதி பஞ்சாட்சரசிவசக்தி யாயும்
• காணும் காட்சியே
• அரியும் அரனுமொன்றென்றே தோன்றும் ரூபமே
• பல பெயர்களில் பல வடிவில் பன்மதப் பக்தர்களும் பார்க்கும்
• தோற்றமே அதிலேதென்றுமில்லைதான் மாற்றமே
• பக்தர்களுக்கில்லை எதிலும் ஏமாற்றமே

• அதுசத்யசாயின் மாட்சியே, சங்கல்ப சாட்சியே
• எங்குமெதிலும் சாயிநாதனின் கீர்த்தியே
• செவ்வங்கியில் உயிர்களின் மனமந்திரத்தில் உலா வந்து
• நிலாவாய்க் குளுமை தரவேண்டும்
• அருள்தர வேண்டும், அன்பும் கருணையுடனே
• அபயஹஸ்த ஆசியிலுன் கருணையில் வரம் தரவேண்டும்
• ஸ்ரீ சத்திய சாயி நாத தெய்வமே போற்றி.

– தமிழரசி பாலசுப்பிரமணியம்