முத்து விதானத்தில்

• வித்தகனே வியாபகமே விரும்பியுனை ஏற்கும்
• பக்தர்களின் நித்திலமே புத்தம்புதுப் புத்தகமே
• எங்களகத் தவத்தின் ஆதவனே சாயி மாதவனே
• நித்தம் உன் தரிசனம் கண்டு
• நிசமாய்த்தான் ஆனந்திக்கிறோம்

• உன்னை நித்திய தர்ம சனாதன சாரதியாய்த் தான்
• ஆராதிக்கிறோம்
• உனது சத்திய தர்ம சாந்தி பிரேமை அகிம்சையில்தான்
• வாழ்வியலில் வாழ்கின்றோம்
• ஸ்ரீ சத்யசாயி நாராயணனுன்னை மாதா பிதா குரு
• தெய்வம் சகாவாய் அருளியலில் காண்கின்றோம்

• சாயி நாராயணா உன்னை ஸ்ரீராமனாய் ஸ்ரீகிருஷ்ணனாய்
• மும்மூர்த்திகள் முத்தேவியர்க ளாய்
• முப்போது மெப்போதும் மறவாமல்தான் துதிக்கிறோம்
• முத்து விதானத்தில் நவரத்தின சிம்மாசனத்தில்
• எங்களகத்தவமதில் நற்பூசனை
• செய்துதான் வணங்குகின்றோம்

• சித்சத்ஆனந்தமாய்ச் சிருங்காரப்பர்த்திதனில்
• இஷ்ட தெய்வமாயுன்னைத் தொழுகின்றோம்
• நீ இருக்கக் குறையேதும் வருமா ?
• உந்தன் துணையிருக்கக் கறைதான் வாழ்வில் வருமா?
• நீ அருகிருக்கச் சம்சார சாகரக்கரைதான் மறையுமா?

• மறையும் மற்றெல்லாமும் உற்ற துணையாயும்
• நீயிருந்து காத்தருள்கிறாய்
• பிறையாய் முழுநிலவாய்ச் சூரியனாய் மேக மும்மழையாய்ப்
• பூமியும் வானமுமாய் எண்திக்கும் ஏழுலகமும்
• பரபிரம்மமாய் விரிந்து பரந்திருக்கிறாய்
• உனைப் புரிந்தவர்க்கு நல்விருந்தா யிருக்கிறாய்

• உன்னை உணர்ந்தவர்க்கு நல்மருந்தா யிருக்கிறாய்
• ஸ்ரீசத்ய சாயி நாராயணா உன் மலரடியில் சந்ததியாய்ச்
• சொந்தமாய்ப்ப பந்த பாந்தமாய்ப் பணிகின்றோம்
• உன் அபய கரத்தில் நல்லாசி தந்து அபயஹஸ்த மளித்து
• வரமருளிட வர வேண்டும்.

– தமிழரசி பாலசுப்பிரமணியம்