சாயி சரஸ்வதிதேவிமா

• கலைகளின் தேவி கலைவாணி வாணி மா
• பாருக்கே மேதாவித்யம்தரும் தேவிபாரதி மா
• ஆயகலைக ளறுபத்துநான்கிலும் ஆட்சி புரிபவளே
• தேவி கலை வாணி மா
• சிருங்கேரி பீட நிவாஸினியே நித்யஸ்வரூபிணியே
• ஸ்ரீ சாரதா தேவி மா

• தூயவெண்பட்டில் மிளிர்பவளே தேவி கலாவதி மா
• நற்பவி நல்கி சாந்நித்ய மளித்திடும் தேவி சாந்தினி மா
• அபிநய பட்டத்தில் புகழ்தந்து திகழ்பவளே அபிநயா மா
• பௌர்ணமி நிலவாய் ஒளிர்பவளே அபிராமி மா
• சித்திரத்திலும் ஓவியமாய்த் தூரிகையாய்
• வரைபவளே சித்ராமாலா மா

• வசந்த கால வசந்தமே கலைச் சொந்தமே வசந்தினி மா
• அமிர்தமாம் சுவையில் தித்திப்பவளே அம்ருதா மா
• சந்தியா காலத்தின் சந்தியா வந்தனமே சந்தியா மா
• ஜோதிப் பிழம்பாய்ச் சத்தியவாக்கில் ஒலிப்பவளே
• சத்திய யோஜினி மா

• சத்திய, சாந்தி, பிரேமை, அகிம்சையை, வாழ்வியலில்
• வடித்தவளே சத்தியவாணி மா
• கம்பருக்கும், காளிதாஸருக்கும், பாரதிக்கும், கபிலருக்கும்,
• குமர குருபரருக்கும், அருளிய வீணா வாணியே
• உனதருளின்றிக் கதியேது கல்விக் கடாட்சமேது?

• சசிகலா, சரஸ்வதி, வாக்வாதினி, கலைமகள்,
• சரஸ்வதி, கலையரசி எனஆயிரமாயிரம்
• திருநாமங்களில் விளிக்க அருள்சுரந்து கருணை புரிய
• இறங்கி, இரங்கி, வருபவளே ஸ்ரீ சத்ய சாயிமா
• உன் பாதாரவிந்தங்களுக்கு வந்தனங்கள் அம்மா
• தீமைகள் குறைந்து நன்மைகள் நடக்க உலகில்
• அனைத்துயிர்களும் நலமாய் வாழத் துணை நின்று
• காத்தருள வேண்டும் சத்ய சாயி தேவிமா.

– தமிழரசி பாலசுப்பிரமணியம்