ஸ்ரீ சாயி சரண்
- முகிழ்த்திருக்கும் மொட்டுகளில் உன் சிருஷ்டியின் நேசம்
- மலர்ந்திடும் பல்வண்ணப் பூக்களிலுன் சிறப்பொக்கும் வாசம்
- நெகிழ்ந்திருக்கும் மனதிலுமுன் மனிதத்தின் அன்பான பாசம்
- உன்னில் திளைத்து மகிழ்ந்திருந்த தருணங்களெல்லாம்
- உன் சரணாகதியின் தாசம்
- மழை, மலை, வளங்களில் உன் மகிமைகளின் கருணாம்சம்
- நிற, நில, வகைகளிலுன், பஞ்சபூதத் தத்வார்த்தம்
- கடல், அலைகளின் ஆழம், அமைதியிலுன்,
- அன்பின் ஆத்மார்த்தம், நிலவிலும்,
- சூர்ய ஒளியிலும் ஒளிருமுன் னருளின் அத்யந்தம்
- கயிலை மலையின், கவித்துவச் சிவமே சாயி சிவனே
- மேருமலையின், மேன்மையாம் தவமே சாயி அகமே
- தென்பொதிகைத் தென்றலின், சுகமே தென்னாடும்
- எந்நாடும் உடைய சாயி செயமே
- உன் அன்பு, மதம், மொழி, இனத்திலிணைந்திட்டவர்க்கு
- இன்னல்கள் களைந்து இருள் நீக்கி
- மருள்போக்கி துயர்தீர்த்தருட்கருணை தருவாயே
- ஸ்ரீ சத்யசாய் ஈஸ்வர சிவசக்தி ஸ்வரூபனே
- உன் மலரடி சரணம் போற்றியே.
– தமிழரசி பாலசுப்பிரமணியம்