தருவாயே நற்பவி

• ஏழ்பிறப்பும் தொடர்ந்துவரும் பரப்பிரம்மம் நீயே
• ஊழ்வினை களற்றிவிட உதவுவதும் நீதானே
• பாழ்மனதில் மும்மலங்கள் சேராமற் காத்தருள்வாயே
• உன் மலரடி தஞ்சம்புகுவோர்க்குத் தாழ்ந்து
• தயை செய்யாமல் விரைந்தருள் தந்து
• தான்தயை செய்தேகாத்தருள்கிறாய்

• தருவாயே நற்பவியாம்நற்கதியாய் உன் கருணையும்
• அபயஹஸ்த ஆசியுமே
• மண்ணுக்கும் விண்ணுக்கும் பரம்பொருள் நீயே
• கண்ணுக்கும் கருத்துக்குமான கருப்பொருளுமாய்த் தானே

• தண் நிலவின் குளிர்ச்சியாய் அன்பு மழை பொழிகிறாய்
• தன்னிகரிலாக் கருணையால்
• வரும் துன்பங்களைத் தீர்க்கிறாய்
• எண்திக்கும் துணை நின்று ஏற்றமதுவும் தருகிறாய்
• உனது பண்பாடி நாம ஸ்மரணை
• ஆத்ம சேவைகளாற்றி மகிழ்கிறோம்

• சஞ்சல மனதைப் பவித்திரமாக்குகிறாய்
• சஞ்சீவியா யருமருந்தாயுன் அனுபூதி விபூதியளிக்கிறாய்
• ஸ்ரீ சத்திய சாயி நாத தெய்வமே
• உன் மலரடி சரணம் போற்றியே சரணாகதி சுவாமி.

– தமிழரசி பாலசுப்பிரமணியம்