சாயி கீதா நினைவு நாள்

• சாயி கீதாவெனும் நாமம் சாய்ராம் விரும்புவது தான்
• சாயி கீதாவெனும் நாமம் பக்தர் உள்ளத்துள்
• புகுந்து விட்டதுதான்
• சாயி கீதாவும் தன் மாதாவாய்ப் பார்த்து வளர்ந்தது தான்
• சாயி மாதாவுமிப் பூவுலகிற்குமா தவமாய்ப்பூத்த
• சாயி அன்னைதான்

• மூன்றடிக்குட்டியாய் வந்த சாயி கீதமே
• மூன்றடி கேட்ட வாமனனில் சங்கமித்த சாயிநாதமே.
• முன் ஜென்ம வாசனையாய் வந்த அருமருந்தப்புத்திரி நீ
• என்றென்றும் பூசனையாம் நம்
• சுவாமிக்குக்கிட்டிய அருமருந்தும் நீ

• ராமருக்கு மாதவம் செய்த மந்திகள் ராமர் பாலம்
• உதவிக்கு வந்தன.
• கிருஷ்ணருக்கு ஆயர்பாடியில்
• பசுக்கள் கோவர்த்தனத்திற்கு வந்தன
• சீதை சென்ற திசை சொல்ல ஜடாயுவும் வழிகாட்ட வந்தது
• கருடனும் மயிலும் சேவலும் மூஞ்சுறுவும் எறும்பும் நண்டும்
• அணிலும்கூடச் சரிதையில் வந்தன

• சுவாமி அன்னையிடம் நீ பழச்சுவை உண்டிருந்தாய்
• சுவாமி அன்னையிடம் நீ பாதாரவிந்தம் பெற்றிருந்தாய்
• சுவாமி அன்னையுடன் மட்டும் அன்பு நீ செலுத்தி இருந்தாய்
• சுவாமி அன்னையுடன் உன்னையும் சேர்த்து
• வணங்கவும் வைத்து விட்டாய்

• உனக்கும் ஸ்வாமிக்கும் இருந்த ஒத்திசைவு தான் என்னே!
• எனக்கும் சுவாமி அன்னை என நீ ஒத்த இசைவுதான் என்ன?
• சுவாமிக்கு நீ சூட்டிய மாலைகளும் செலுத்திய
• வணக்கமும்தான் என்னே!
• சுவாமியின் பக்தி உணர்வு தவிர வேறு எதுவும் இல்லா
• உன் உணர்வுதான் என்ன?

• விலங்காய் உன்னை விலக்கிப் பார்த்ததில்லை நம் சுவாமி
• விளக்காய் உன்னை விளங்கிப் பார்த்த
• பக்தர்களையும் விலக்கிப் பார்த்ததில்லை நம் சுவாமி
• அத்யந்த பக்தியில் ஆழ்ந்து வாழ்ந்த சாய் கீதாவே
• உன்னையும் சுவாமியுடன் நினைத்து நித்தியமும்
• துதித்திடுவோம் சாயி கீதாவே

• கீதையின் பாதையில் நடக்கச் சொன்ன நம் சுவாமிக்கு – நீ
• கீதையாய்க் கிட்டிய வேதமே மாதவமே, மா தவமே !
• சுவாமியின் பாத மலர் துதித்து வாழ்ந்த உன்னை நினைத்து
• சாயியின் சாயி கீதமாய்ப் போற்றித் துதிக்கின்றோம்
• சாயி சரிதையில் விலை மதிக்க இயலாத கவிதை நீ

• சாயி சரித்திரத்தில் மலையளவு மதிப்புமிக்க சகாப்தம் நீ
• சாயிகீதத்தில் சுருதி லயம் மிக்க வேதம் நீ
• சாயி சகாப்தத்தில் மறக்கவொண்ணா மகோன்னதம்
• நீ சாயி கீதாவே
• சித்ரா வதியில் சிறப்பாக ஸ்நானம் செய்து மகிழ்ந்து இருப்பாய்

• பிரசாந்தியில் பிரசாதமாய் சாயி சாந்தி மட்டும் பெற்றிருப்பாய்
• சுவாமியின் சேவையில் சாதனை பல கொண்டிருப்பாய்
• மீராவாய் ஆண்டாளாய் சுவாமியை மட்டும்
• நினைத்து வாழ்ந்து இருப்பாய்
• சுவாமியுடன் இருந்து நீயும் எங்களைக் காத்தருள்வாய்
• சாயி கீதாவே.

– தமிழரசி பாலசுப்பிரமணியம்