புதுப்பாதை

• புது யுகம் படைத்துப் புதியபாதை வகுத்துத் தந்தாய்
• கலியுகம் கடந்தாலும் உன் சரிதம் என்றும்
• நிலைக்கச் செய்தாய்
• உள்முகம் நோக்கியுனைக் காணச் சொன்னாய்
• உண்மை முகமாய் மட்டும் உலகியலில் வாழச் செய்தாய்

• மனம் மெய் மொழியில் மாற்றமிலாமல் வாழ
• மாண்பு செய்தாய்
• குணமெனும் குன்றேறி ஒற்றுமையில் நின்றுன்
• அன்புப் பிரேமையில் சேயாய் மலரச் செய்தாய்
• தனம் மட்டுமென்று எண்ணி வாழாமல்
• தயையுடன் வாழ்ந்திட உரைவகுத்தாய்

• சுவாமியுன்னுடன் வாழ்ந்த இக்காலமெங்களின்
• பொற்காலமே
• உன்னை உயிரிலே வைத்துத் தொழுதலுமெங்களின்
• நற்காலமே
• கற்கால முதல் இக்காலம் வரை நீ நடத்திய
• நாடகப்பாத்திரமும் சூத்திரமும் நீயானாய்
• எக்காலமும் நீ முக்காலமும் வந்து காத்தருள்கிறாய்

• பிரசாந்திக் கருவறைத் தெய்வமே கலியுகக் கண்கண்ட
• தெய்வமே பிற சாந்தி வேண்டாம்
• உன்பிற காந்தி மட்டும் போதும்
• மறைபோற்றும் தெய்வமே நீயிருக்கக் குறையேதுமில்லை
• யுன்னருட் கருணையிலே கரையாதுமில்லை சுவாமி.

– தமிழரசி பாலசுப்பிரமணியம்