நகர்வலத்தினுள்

• வான்முகில்களின் நகர்வலத்திலுன் வியாபகப்
• பிரதட்சணம் தெரிகிறது
• நீல மேகங்களின் ஊர்வலமுன் கார்மேக வண்ணமதை
• நினைவு கூர்கிறது, பிரத்யட்சமாகிறது

• பாடும் குயிலின் இனிமை, அதன்கானம் நீதான்
• என்றுணர்த்துகிறது
• வீசும் தென்றலின் சுகத்திலுமுனைத் தரிசித்த
• சுகானுபவம் புரிகிறது
• தெய்வீக உன் தரிசனம், ஸ்பரிசனம், சம்பாஷனத்திலுன்
• இப்பிறவிப்பயன் உணர்கிறது

• நீ பணித் திட்ட சேவைகளாற்றிட ஆத்மா நெக்குருகும்
• ஆத்ம ஆகர்ஷணம் தெரிகிறது
• நான்கு யுகமும், மூன்று உலகங்களும், எங்கும் எதிலும்
• பரப்பிரும்ம, முனைத்தொடர, உயிர் நினைக்கின்றது

• இப்பிறவிப் பயனுன்னவதார காலத்திலென்று சந்ததியே
• நன்றிகள் நவில்கிறது
• இப்பிறப்பில் உன் மகிமைகள் கேட்டு, கண்டு, பார்த்து, படித்து,
• உணர்ந்தவை, எண்ணிலடங்கா எண்ணிக்கைகளே
• உலகு, உயிர், இறைவன், அனைத்தும் நீயே சுவாமி
• உன் பாதாரவிந்தம் தொழுதிட ஆதாரமாய்
• நீ சேதாரமின்றிக் காத்தருள வரவேண்டும்
• ஸ்ரீ சத்ய சாயி தெய்வமே
• உனக்கு ஆனந்த வந்தனம் சுவாமி.

– தமிழரசி பாலசுப்பிரமணியம்