தூது செல்வாயா வெண் புறாவே

• அவதாரத்திருநாளில் அன்புத் தூது சொல்லச்
• செல்ல வேண்டும் வெள்ளைப் புறாவே – நீ
• யாதும் சாயிநாதனென்றும் சொல்லு
• சொல்லிவா நல்புறாவே

• ‘நானிருக்கப் பயமேனெனச்’ சொன்ன நம் சுவாமிக்கு
• நீ இருக்கக் குறையில்லையெனச் சொல்லி வருவாயே
• அன்பு மதம் அன்பு மொழி அன்பு இனமாய்
• வாழ்வியல் வாழ்ந்திட
• சத்ய, தர்ம, சாந்தி, பிரேமை, அகிம்சை வழியில் நடந்திட

• மனம், மெய், மொழியில், சாயி சேவையாற்றி வாழ்ந்திட
• சனாதன சாரதியாய் – நீ வழி நடத்துவாயேவெனத்
• தூது சொல்லி வருவாயே செல்லப் புறாவே
• வெள்ளை ஆடையில் சத்யம் தர்மம் சாந்தி பிரேமை
• அகிம்சையாய் வாழவேண்டும் என்று நித்ய சத்ய
• அருளுரை உரைப்பாயே என்று இனிய சொல்லாய்ச்
• சொல்லி வருவாயே என் வெண்புறாவே

• வெண்ணிற அங்கியில் வெள்ளைப்புறா என்னைப்போல்
• கூட்டமாய் வெண்ணிற மேகமாய்த்தான் வருவாயே
• உன் அவதாரப் பிறந்த நாளில் என்றும் சொல்லி வா புறாவே
• வெள்ளி ஊஞ்சலில் நீ அமர்ந்தாடும் ஜூலா அழகும்
• எங்களுக்கு விடிவெள்ளிபோல்தான்
• எனவும் கூறி வருவாயே என்னன்புப் புறாவே
• சுவாமி உனது அவதார நாள் இன்று
• அனைவரையும் காத்தருள வேண்டும்

• என்றும் எங்களுடன் துணையிருந்து அருள்புரிய வேண்டும்
• பவதாரமாய் இருந்து உன் அவதார மகிமையை
• அனைவரையும் உணரச் செய்ய வேண்டும்.

– தமிழரசி பாலசுப்பிரமணியம்