‘விடையேறி’ வருவாய்

• விடையேறி விடை சொல்ல வருவாய் பாபா
• விடையும் நீயாகிக் கேள்வியும் தானாகியே
• தடையேதுன் னன்புகடலினிலே! தயை தவிர,
• வேறேதுமில்லை யுனதருளினிலே, அன்பினிலே

• கடைத்தேற்ற விரைந்தோடி வருமுந்தன்
• ஆத்மார்த்தப் பலனதுவே, பயனதுவே
• கோடி சென்ம மிருப்பினுமுந்தன் கடைக்கண்
• பார்வையே போதும் நயன தீட்சையாய்
• கடைக்கோடியிருப்பினு முன்நயனங்களினருட்
• திருப்பார்வைதான் வேண்டுது போதும்

• நடைதனில் நளினமாய் வந்து நற்பவியளித்திடுமுந்தன்
• அபயஹஸ்த மளித்திடுமே, அவரவரின் வரந்தனையே
• நடந்தும், கிடந்தும், எந்நிலை வரினுமுன்னைப் பணிந்துன்
• பதம்தொழுது, பண்பாடி, ஆனந்தித்தால் போதும்
• ஆதர்ஷனமளித்திடும் ஆத்மலிங்க அனந்த சாயி பரப்பிரம்மமே

• உன் பரமானந்தப் பரமபதம் நிதம்
• வரமாய் வேண்டுமுன் பங்கயத்தாமரை
• மலரடிகளுக்கு வந்தனம் சுவாமி.

– தமிழரசி பாலசுப்பிரமணியம்