நீ நினைத்தது மட்டிலும்

• திருவே வுன் திருவருளுலகில் உன் திவ்ய நாமம்
• சொல்ல வைத்து மகிழச்செய்தது
• உருவாய் மனிதச் சட்டையில் வந்தெமை
• உய்வித்த துன்னன்புக் கருணையின் எல்லையதுவே

• கருமுதல் திருவரை காத்து ரட்சிக்கின்றாய் ரட்சகனாய்
• மரு மதியுன் முகம் சொல்லும் பக்தர்களவரவர்க்கு ஆயிரம்
• அர்த்தங்கள் பாவனையாய் வருவினைகளகற்றி
• நற்பவி யளித்திட உன்னைத் தவிர ஏது கதி
• தருவரங்கள் நீ நினைத்தது மட்டிலும்
• தானென உணரச் செய்தாய்

• சேவைப்பணிகளாற்றி முன்வினைகள் கலைந்திட
• அருள்வித்தாய் அற்புதங்க ளளித்திட்டாய்
• கல்வி குடிநீர் மருத்துவம் இசையெனச் சேவைகளை
• வியாபித்து வியக்க வைத்தாய்

• பஜன் நாமஸ்மரணை நாம சங்கீர்த்தனம்
• செபம் தியானத்தில் ஆத்ம நிவேதனமளித்தாய்
• மலர் மாலைகள் உதிரிப்பூக்களிலும்கூட
• உயிரில் கலந்துறவாடுகிறாய் அதிசயிக்க வைக்கிறாய்

• அன்பு மதம் மொழி இனம் ஒன்றாயிணைத்து சாயி
• உலகம் சாயி குடும்பம் ஒருங்கிணைத்தாய்
• சத்ய தர்ம சாந்தி பிரேமை அகிம்சையைப் போற்றி
• மனித மாண்பு வளர்த்திட்டாய்

• சகாவாய்த் தாயுமானவராயும் கருணை செய்வித்தாய்
• பிரசாந்திக் கருவறைத் தெய்வமுந்தனரு ளொன்றே போதும்
• இப்பிறவிப் பயனெய்திடவே
• உன் திருவடித் தாமரை மலர்களுக்கு
• ஆத்மவந்தனம் சுவாமி.

– தமிழரசி பாலசுப்பிரமணியம்