முத்தாய்ப்பாய்

• மும்மலங்கள் நீக்கிட முத்தாய்ப்பாய் நீ வரவேண்டும்
• எம்மதமும் சம்மதமாயேற்றிட நல்மனம் நீ தரவேண்டும்
• கல் மனமும் கரைந்திடவே உன் கருணையின்
• ஒளியருள வேண்டும்
• துன்பம் துயரமெல்லாம் உன்னருளால் மேகம்போல்
• கலைந்திட வேண்டும்
• இன்பம் துன்பம் எது வரினும் இலகுவாக ஏற்றிடும்
• மனப்பக்குவம் தர வேண்டும்

• வன்ம மெதுவுமண்டாமலுன் வரம் வந்து
• நற்பவியருள வேண்டும்
• பன்மதப் பக்தஅன்பர்களின் நல்வாழ்வும் உன்னால்
• நலமே பெற வேண்டும், குலமே தழைக்க வேண்டும்

• திக்கற்றவர்க்குத் தெய்வமே துணை
• நீ எத்திக்கும் துணையாய்த் தொடர்ந்து வர வேண்டும்
• முக்கனிச்சாறாய் முப்போதும் உடல் மனநலம்
• காத்திட வேண்டும்

• சந்ததிகள் தழைத்திட உன் தருமமிகு தயை தனைக்
• கருணையாய்த் தரவேண்டும்
• சொந்த பந்தச் சுற்றம் நட்பு சூழச் சுகமாயுனைத் தொழுதே
• நலமாய் வாழ்ந்திட வேண்டும் ஸ்ரீ சத்யசாயீசா

– தமிழரசி பாலசுப்பிரமணியம்