வானமும் பூமியும் எல்லை

• துன்பம் துயரங்கள் தீர்ந்திடவே
• சாயிநாதன் சன்னிதி கூடுங்கள்
• துதிப்போர்க்கு வல்வினைபோம் என்று நம்பி
• நலம் பெற நாடுங்கள்
• அவம் போகும் அல்லல் தீருமென
• எண்ணித்தான் துதித்திடுங்கள்
• அவனின்றி வேறு கதியில்லை யென்று சுபிட்சம்
• கடாட்சம் கிடைத்திட முத்திவரை கும்பிடுங்கள்

• அவனியி லுன்னையன்றி
• வேறு தெய்வமேதென வேண்டுங்கள்
• வானம் பூமியும்தான் எல்லையுந் தன்
• அன்புக்கெனக் கூறுங்கள்
• கடல் மலை காடு கழனியாம் இயற்கையே உந்தன்
• கொடைகளென்று சொல்லித் துதித்திடுங்கள்
• கஜேந்திர மோட்சமாயுன் னன்புக்கருணை கிட்டிட
• வேண்டுமெனக் கூப்பிடுங்கள்

• எப்போதும் முப்போதும் உன்னைத் தொழுதிட
• வரம் வேண்டுமெனத் தொழுதிடுங்கள்
• நனவு, கனவிலும் நீ வந்தெமைக் காத்தருள
• வேண்டுமென்றழைத்திடுங்கள்
• சந்ததிகளைக் காத்தருள வேண்டியே
• சந்ததம் சங்கீதம் பதிகம் பாசுரம் பாடுங்கள்
• சாயின் நாராயண சேவைகளாற்றியே மகிழுங்கள்

• பாபா பிரசாதம் விநியோகித்து ஆனந்தியுங்கள்
• மனம் மெய் மொழியாலியைந்து காயம்
• ‘மனம்’ பலமுடனியன்ற சாயி
• சேவைகளாற்றியினிதாய் இன்புறுங்கள்

• சத்ய சாயி பக்தர்நாமென்று பெருமை பொறுமை
• இனிமையுடன் ஆனந்தமாய் ஆராதியுங்கள்
• சத்ய, தர்ம, சாந்தி, பிரேமை,
• அகிம்சையில் அனுதினமும் வாழுங்கள்
• கீதைப்பாதையில் நடந்திடுங்கள்
• சாய்ராம் நாமம் சொல்லிடக் குழந்தைகளைப் பழக்கிடுங்கள்
• பஜன் சத்சங்கத்திலிணைந்து சமிதி சேவைகள் செய்திட
• உதவேகமளியுங்கள், ஊக்கப்படுத்துங்கள்.

– தமிழரசி பாலசுப்பிரமணியம்