உன் வியாபகம்

• அலைகடலின் ஆர்ப்பரிப்பில் ஆழ்கடலின் அமைதியில்
• உன் வியாபகம்
• விலை மதிப்பில்லா உன் அன்புக் கருணை தானே
• என்றைக்கும் உன் கரிசனம்
• உன் லீலா வினோதங்கள் ஒவ்வொன்றும் அதிசயம் அற்புதம்
• என்னை உன் பதமலரடிபணிந்திடப்
• பணித்ததுன் சாந்நித்தியம்

• ‘நான் இருக்கப் பயமே’னென் றபயமளிப்பதுவுமுன் சாத்வீகம்
• நித்திலமாய் நிர்மாலமாயுனை நினைந்து நெக்குருகித்
• தொழுவதுவே ஜென்ம சாபல்யம்
• சத்ய, தர்ம, சாந்தி, பிரேமை, அகிம்சையே,
• உன் பக்த அன்பர்களின் ஆதாரம்
• சேதாரம் ஏதுமிலையுனைச் சேவித்தலின்றிப்
• பணி ஏதுமில்லை, பிணியும் யாதுமில்லை
• ஞாயிறில் புதுவிடியலாய் உதயமாய் உயிர்களுக்கு
• உன்னத வாழ்வளிக்க வரவேண்டும் சாயீசா

• ஞாலமும் நீயாகிக் கோள்களுமுன் சிருஷ்டியாகிச்
• சீலமும் தானாகிச் சீர்மிகு பர்த்தியின் கருவறைத்
• தெய்வமாகிக் கவசமாய்க் காத்தருளும் பர்த்தீசா
• பரப்பிரும்மன் உனக்குப் பரமார்த்த ஆனந்த வந்தனம்.

– தமிழரசி பாலசுப்பிரமணியம்