ஓம்கார ஸ்வரூபம்

• கொம்பொடித்துக் கோலத்தமிழ் எழுதிய ஓம்கார ஸ்வரூபமே
• கொம்புத்தேனாய்த் தீந்தமிழ்தான் சுவையும் கூட்டுமே
• கோலமயில் முருகனின் குங்குமச் சிரிப்பிலும் கலைநயமே
• மூல முதல்வன் முக்கண்ணன் புதல்வனே பவதார நாயகமே

• நான்கு பொருள் தந்து மூன்று தமிழ் கேட்ட
• அவ்வைக்கும் அருளினாய்
• நான்கு வேதத்தின் பொருளாய் நானிலத்திற்கு
• நற்பவியே நல்கினாய்
• நானாவித அலங்கார அபிஷேகங்களில்
• அழகாய்த் தெரிகிறாய்
• ‘நான்’ அகல நல்வழிகாட்டியே நற்றுணை ஆகினாய்
• அருகம்புல்லையும் அருமருந்தாக்கி அகிலத்தில்
• ஔஷதமாக்கினாய்

• சிறு மூஞ்சூறுவையும் உனக்கு வாகனமாக்கி
• விவேகமாகினாய்
• மோதகப் பிரியனாய் அவல், கற்கண்டுண்டு, களிப்பாகினாய்
• சாதகமாய்ச் சங்கல்பம் அருள எங்கும் அமர்ந்துள்ளாய்
• சாயி கணேசனாய்ச் சாஷ்டாங்கமா
• யுனைத் தொழச் சரணாகதியளிக்கிறாய்

• முப்போதும் நீ துணை நின்று எப்போதும்
• வழித்துணையாய் வந்து தப்பேதும் நடந்து விடாமல்
• வாழ்வியலில் வலம் வரவேண்டும்
• ஒன்றே குலம் ஒருவனேதேவன் இன்றே நன்றே
• அப்பரப்பிரம்மமே நீயானாய்

• கன்று தேடி வரும் தாய் போல் உன்னை நாடி என்றும்
• பண்கள் பாடி வந்துனைத் துதிக்க நல்வரம்
• தந்தருள்வாய் சாயி
• அடைக்கல முந்தன்அன்புப் பதமலரடியில் படைக்கலமாய்க்
• கவிப்பண்கள் புனைந்திட நிலைக்களமாம் உந்தன்
• பர்த்திப் பதிதனில் கலைக்களமாம்
• பிரசாந்தியிலுன்னைக் காண வேண்டும்.

– தமிழரசி பாலசுப்பிரமணியம்