தாயுமான சாயி முருகன்

• சாயி முருகனுக்குச் சகஸ்ரநாம அர்ச்சனை
• செய்து சாஷ்டாங்கமாய்ப் பணிவோம்
• அத் தாயுமானவன் மால்மருகனுக்குப் பல்விதப்
• பூசனைகள் செய்து பரவசம டைவோம்

• மாயி மகமாயி துர்காலட்சுமி சரஸ்வதியின் ரூபமாய்
• கண்டும் ஆனந்தம் கொள்வோம்
• சிவன் சேயனாய்க் கணபதி தம்பியாய்த்
• திவ்யமாய்ச் சேவித்துப் பரமானந்தமடைவோம்

• குன்றுதோறும் குமரனாகக் குடியிருப்பான்
• நம் குற்றம் குறை பொறுத்து வாழ்வில் அருள் புரிவான்
• மன்றிலாடும் ஈசனவன் புத்திரனாயவதரித்துப்
• பவதாரனாகினான்
• தென்றல் போலினிமை தந்து வாழ்வியலில்
• வசந்தம் தருகிறான்

• ஆறுபடைவீடுகளில் அரசாட்சி செய்கிறான் அவன்
• ஆறுமுகம் என்ற பெயரில் அகச் சாட்சியாக
• நிற்கிறானவன், ஏறுமுகம் தந்து ஏற்றம் புரிந்து
• நம் வாழ்வில் மாற்றம் தருகிறான்
• மாயையின் சீற்றம் குறைக்கின்றான்

• ஏறிவந்தே மயில் மீதில் காட்சி தருகிறானதில்
• நிரந்தரச் சாட்சியாக நின்றும் மீட்சி தருகின்றான்
• மகத்தான மாட்சியாய் மிளிரச் செய்கிறான்
• பர்த்திதனில் சாயி சுப்பிரமணிய சுவாமியாகத்
• தும்பிக்கையோ னருகினி லழகாய்ச் சிரித்துச்
• சிலிர்க்க வைக்கிறான் பக்தியில்
• சுகந்தமாய்ச்சுபிட்சம் தருகிறான்

• நற்கீர்த்தி தந்து கார்த்திகேயனாகச் சாந்நித்திய. மளிக்கிறான்
• மூர்த்தியவன் முன்னிலையில் தொழுது பணிகிறோம்
• புட்டபர்த்திவாசன் சாயி முருகனைச்
• சகலதெய்வமென்று துதித்து மகிழ்கிறோம்
• சாயி மலரடி பணிந்து சரணாகதி அடைகிறோம்.

– தமிழரசி பாலசுப்பிரமணியம்