பயமேதுமில்லை

• சிவாயநம என்போருக்கு அபாயம் ஒரு நாளும் இல்லை
• சாயிசிவனே உன்அபயமிருக்கப் பயம் ஏதுமில்லை
• ‘நானிருக்கப் பயமேன்’ என்று அபயஹஸ்தம் அளித்தாய்
• நீ இருக்கக்குறை ஏது என உன் பக்தர் மனதில் பதித்தாய்
• திண்ணமாய் எண்ணப்பணித்தாய்

• எந்தை தந்தையாய் முந்தை விந்தையாயருள் செய்கிறாய்
• உந்தன் பாதார விந்தமன்புடன் தொழச் செய்கிறாய்
• எங்கள் சந்ததி தழைக்கச் சொந்தமுடன் உனை நாடப் பந்த
• பாந்தமாய்க் கருணைமழைதான் பொழிகின்றாய்
• சிவசக்தி ஸ்வரூபனே ஸ்ரீ சாயி தேவனே
• ஞாலத்தின் நல்ஞானசக்தி நீதானே
• நான்கு மறைவேதமும் நானாவித நன்மையும்
• நற்பவியுமே நீதானே நற்கதியுன் துணைதானே
• உன் பங்கையப் பதமலரடி சரணம் சரணம் ஸ்ரீ சத்திய சாயீசா.

– தமிழரசி பாலசுப்பிரமணியம்