பரமம் பவித்ரம் பாபா விபூதி

• ‘நானிருக்க பயமேன் பங்காரு’ எனுமுன் வாக்கு சத்தியவாக்கு
• நீயிருக்கப் பயமில்லை என்பது எங்களின் சத்திய சாத்தியநித்ய
• சாத்வீக சாந்நித்ய சத்சங்க வாக்கு சுவாமி
• உன்னையன்றி யார் காப்பார், உன் அபயஹஸ்தமின்றி
• வேறு துணையேது?

• உன் அனுபூதி பரமபவித்ர பாபா விபூதி யன்றி
• நலம் தரும் நற்பவி யெது ?
• பர்த்தித் தலப்பரப்பிரும்மப் பஞ்சாட்சரனே சாயி சர்வேசா

• உன் பாதார விந்தம் தொழுதுனைத் துதித்திடும் அனுக்கிரகம்
• எப்போதும் எங்களுக்குக் கிடைத்திட
• வுன்சங்கல்பம் தரவேண்டும்

• ஸ்ரீ சைலசிவமே, ஓங்காரேஷ்வர ஸ்ரீசத்யசாயிசிவமே
• பிரணவப் பரப்பிரும்மமே உன் கருணைக்கேது
• எல்லையே! இல்லையே ஏதும் விலையே !
• மாறிடுமே துயர் நிலையே

• உனது லீலா விநோத மகிமைகளு முந்தன்அன்பு
• அருட்கருணையின் நிலையே தானே !
• உன் கருணைக்கடாட்சம் கயிலை மலையே
• சம்சாரக் கடலைக் கடக்கும் பிறவிப் பயன் தீர்க்கும்
• கருணா சாகரப் பர்த்திப் பதியே
• உன் பங்கயத் தாமரைமலர்ப்
• பாதார விந்தங்களில் சரணாகதியே

– தமிழரசி பாலசுப்பிரமணியம்